古早味台灣原味 (Closed)

一年前嘅台灣之旅依然令人懷念，懷念住掃街嘅各種美食。回到香港後，無論去過香港任何一間台灣餐廳，都搵唔番嗰種食物既地道味道同感覺。今日經朋友大大力介紹之下嚟咗呢間位於銅鑼灣嘅台灣餐廳，入到去見到餐廳裝修同其他台灣餐廳截然不同，裝修非常用心，充滿濃濃嘅古代風情。餐廳更設有吧枱，令人耳目一新。我同女朋友各自叫一份下午茶套餐。我點左古早味牛肉麵。我非常鍾意餐廳採用闊身麵條，因為掛湯能力高啲，而且硬度適中。湯底唔膩，飲完感受到回甘嘅味道，蘿蔔等配料亦吸收晒湯底嘅精華，非常入味。牛肉更加出色，燜得非常軟腍，而且非常厚身。整體而言，餐廳牛肉麵同台灣當地牛肉麵相比非常近似，值得一試。女朋友點左滷肉飯，附送紫菜蛋花湯。肉臊頗大粒，肥瘦均等，唔散發出一陣淡淡的油香味。腦汁同飯嘅比例不錯，唔會令飯變咗飯糊，口感一流。分量又大，同台灣食到嘅有啲相似。我哋亦有試其他台灣小食，鹽酥雞皮薄唔油膩，肉仍然滑嫩，而且非常juicy。鹽酥豆腐也不錯，外皮非常脆口，但入面既豆腐依然熱辣辣，非常滑嫩。我係台灣未試過食刈包，但我從餐牌上嘅圖片上發覺刈包既外型特別，貌似美式漢堡，所以特意點了一個試試。刈包size得拳頭咁大，蒸得