小菜王 (福榮街)

Open Now

Now Closed

每逢自己生日，我都會搵個best friend黎小菜王食小菜，剩食餸唔叫白飯。今年都唔例外。星期五夜晚黎到接近8點，外面等候既食客仲有幾十人，我地等左接近半個鐘先可以入去。我地2個人，叫左4樣餸。豉椒炒蜆，4隻扇貝，4隻聖子皇同避風塘九肚魚。炒蜆係最正既，有少少牛油味，D肉大粒又入晒味，無沙，唔會好似出面既餐廳甘得殼無肉。扇貝略嫌唔夠濕同埋蒸老左。聖子皇都好正，同炒蜆一樣有少少牛油味，D肉好爽。避風塘九肚魚係餐牌上面係無既，餐牌上面得椒鹽九肚魚。不過須知道呢類交換配搭經常有，出黎既結果都好正。炸蒜包住既九肚魚，外脆內軟啱啱好。可惜就係食左頭3樣已經夠晒飽，碟九肚魚格硬食都食唔晒。