Video
Read full review
2022-05-16
501 views
原來啟德都有一間咁休閒嘅Cafe，今日就等我過嚟嘆吓同試吓佢哋嘅嘢食先，雖然係全落地玻璃但出面嘅景觀竟然係一個地盤，咩心情都冇晒😩但佢入面嘅裝修都唔錯既，簡樸得來又夠時尚，即管睇吓佢嘅嘢食如何先佢呢一度有set lunch，我哋嗌咗一份日式滑蛋鰻魚蓋飯同埋至尊烤珍寶蘑菇手打(美國)牛肉雙層芝士漢堡配薯條及沙律，另外叫咗兩杯咖啡同埋一個甜品🏵🏵🍱日式滑蛋鰻魚蓋飯，份量都幾大嘅，整個飯嘅材料都係有鰻魚，蛋，同埋飯，鰻魚方面其實都好難整得難食，佢嘅鰻魚都唔錯嘅，醬汁都多，唔會太鹹，厚身又爽口，蛋既方面都OK嘅，都滑身，但佢嘅飯真係令我好失望，最重要嘅係佢竟然唔係日本珍珠米，做得日式嘅鰻魚飯梗係要用珍珠米㗎啦😕，話晒佢都成舊水一碗，成個配搭真係唔襯🤷🏻♀️🍔 至尊烤珍寶蘑菇手打(美國)牛肉雙層芝士漢堡配薯條及沙律，漢堡嘅整體都唔錯嘅，佢嘅手打牛肉係幾 juicy，又夠厚，又唔會好老，但珍寶蘑菇就反而細舊咗啲，就咁影相都唔係好見到有蘑菇喺度，薯條都冇咩特別，份量都適中嘅，⚠️但我最想講嘅就係佢哋個沙律，佢每一個餐都有一份沙律，我想講我唔知嗰啲係咩菜嚟，但係真係超生，佢生嘅程度係硬再加乾，個質感好似
佢呢一度有set lunch，我哋嗌咗一份日式滑蛋鰻魚蓋飯同埋至尊烤珍寶蘑菇手打(美國)牛肉雙層芝士漢堡配薯條及沙律，另外叫咗兩杯咖啡同埋一個甜品🏵🏵
🍱日式滑蛋鰻魚蓋飯，份量都幾大嘅，整個飯嘅材料都係有鰻魚，蛋，同埋飯，鰻魚方面其實都好難整得難食，佢嘅鰻魚都唔錯嘅，醬汁都多，唔會太鹹，厚身又爽口，蛋既方面都OK嘅，都滑身，但佢嘅飯真係令我好失望，最重要嘅係佢竟然唔係日本珍珠米，做得日式嘅鰻魚飯梗係要用珍珠米㗎啦😕，話晒佢都成舊水一碗，成個配搭真係唔襯🤷🏻♀️
🍔 至尊烤珍寶蘑菇手打(美國)牛肉雙層芝士漢堡配薯條及沙律，漢堡嘅整體都唔錯嘅，佢嘅手打牛肉係幾 juicy，又夠厚，又唔會好老，但珍寶蘑菇就反而細舊咗啲，就咁影相都唔係好見到有蘑菇喺度，薯條都冇咩特別，份量都適中嘅，⚠️但我最想講嘅就係佢哋個沙律，佢每一個餐都有一份沙律，我想講我唔知嗰啲係咩菜嚟，但係真係超生，佢生嘅程度係硬再加乾，個質感好似食緊草咁，放咗落口3秒到就吐返出嚟，真心難食😵😵⚠️
☕️我哋叫咗兩杯咖啡，一杯係Flat White,一杯係班蘭鮮奶咖啡，其實睇個樣真係兩杯都一樣樣，顏色都一樣，完全冇分別，飲落先知邊一杯係班蘭味，我覺得有少少唔係好夾咖啡，佢個味有啲淡，飲落好似咖啡還咖啡，班蘭還班蘭咁，整體咖啡冇咖啡味，又唔係好濃，奶又唔夠香，Flat White果杯係帶酸既，覺得麻麻地😐😐
🧇班蘭椰香椰絲糯米窩夫配雪糕，都講過啦，我個人比較鍾意食班蘭既野，呢款一定要嗌嘅，賣相睇落去唔錯，窩夫大大件，呢個組合幾特別，有糯米果下係有驚喜嘅，但食落都係有啲失望，首先應該係啱啱整好既關係，所以都熱嘅，但佢嘅窩夫係淋身，只有少少脆，基本上裏面都係淋，第二，班蘭既味又係好淡，但又未至於冇味嘅，第三，佢嘅糯米真係好似芒果糯米飯嘅質感咁，但又係完全冇味，好似求其將啲嘢切上去咁，其實最重要嗰兩樣嘢都做到咁，成個甜品嘅精髓都唔喺度😕😕，所以基本上對佢哋既嘢食都係失望，價錢都唔平，要$118，貴過主食，所以睇吓你哋覺得值唔值啦🤷🏻♀️
Post
