MOS Burger (Closed)

今日早左放,但個肚就好似已經叫緊我去食D野喎,考慮到夜少少仲要番屋企食飯既關係,所以就去左MOS Burger食少少野就算喇。今次叫左依個雞肉漢堡餐配埋一杯凍抹茶鮮奶。坐低禁下手機等左差唔多10分鐘左右，店員就拎個餐比我LU。一開始當然急不及待地咁試個雞堡先，岩岩炸好既雞扒,食落非常之嫩口,又夠熱,不過覺得佢個肉汁唔夠多，不過配埋夠哂爽脆既椰菜絲、烘過既軟包,夾埋一齊當然好食！之後就我最愛既粗薯條，夠哂熱之外,口感都比出面既唔同，雖然薯味唔算太重,點著茄汁咁食都係唔錯嫁之後就係依個凍抹茶鮮奶,我自己都幾鍾意既，雖然D冰整到個抹茶鮮奶個味好淡,比起熱既抹茶鮮奶唔夠濃味,不過都唔錯嫁,凍凍地咁,當係清下個口D味都唔錯。