嘉寶漢堡 (和益中心)

Open Now

Now Closed

本地薑嘉寶漢堡始終都係最多選擇同埋最啱香港人口味嘅本地漢堡店。今日又嚟嘉寶食晏，平時已經食開牛肉漢堡、豬堡、雞扒堡，原來仲有羊肉漢堡，香港真係少見。我呢個香辣煙肉蛋羊堡，的確惹味。羊肉漢堡唔會有臊味，加上煎蛋、煙肉，仲好味過牛堡。跟餐小食除咗薯條、粟米、薯餅之外，仲有香港特色嘅燒賣、蕃薯條、沙律，連炸燒賣都有。另外佢哋仲有香脆粟米片雞塊，比起一般雞塊更加香脆。另一個值得推介嘅漢堡就係蝦牛堡。牛肉漢堡好食再加上彈牙蝦餅，蝦餅份量都唔少，貴少少但係都抵食。