Video
Read full review
2010-11-30
6583 views
中國會既自助餐只係星期六午餐先有，因為好爆，所以要一早訂位。有幸地被邀請黎依間私人會所品嚐全港獨一無二既純中式自助餐，小弟真係榮幸非常，感激萬分。第一次黎食已經愛上佢既食物，更順理成章成為我最喜愛的buffet添。一入就被好靚既老夫子漫畫圍繞住，非常親切。感受到中國會咁支持本地創作，好感動。到達十三樓，一出門就有幾位姐姐仔熱情地幫我地收摭，帶我地入坐。唔知係咪陰天既關係，室內既燈光比較暗。行入餐廳時，經過一個好有五六十年代feel既電話間，擺放住轉輪式既電話，好似時光倒流咁。接待處其他既裝飾擺設都好靚，其中一個係圖中既＂美女魚池＂。餐廳入面既格局好似舊式茶樓，尤其係頭頂嗰把風扇。大家留意吓，連侍應們既服裝都係同一個style架，真係非常襯托中式自助餐個主題。點解一個最怕自助餐既我會咁欣賞依餐呢？好簡單：用料新鮮質優，食物攞出黎時好夠滾熱辣，好多重要係即叫即做；增添食物時更會不時推出新菜式，好有驚喜。 冷盤有皮蛋，煎糕，鍋貼，豬腳仔，薰蹄，叉燒，芋角，咸水角，蓮藕餅等等：因為依類食物太易飽肚，所以小弟當日主攻其他熱食。唔忍得口既我見到Ｄ皮蛋色澤咁靚又咁流心都食左半隻：mmm... 超
一入就被好靚既老夫子漫畫圍繞住，非常親切。感受到中國會咁支持本地創作，好感動。
到達十三樓，一出門就有幾位姐姐仔熱情地幫我地收摭，帶我地入坐。唔知係咪陰天既關係，室內既燈光比較暗。行入餐廳時，經過一個好有五六十年代feel既電話間，擺放住轉輪式既電話，好似時光倒流咁。接待處其他既裝飾擺設都好靚，其中一個係圖中既＂美女魚池＂。
餐廳入面既格局好似舊式茶樓，尤其係頭頂嗰把風扇。大家留意吓，連侍應們既服裝都係同一個style架，真係非常襯托中式自助餐個主題。
點解一個最怕自助餐既我會咁欣賞依餐呢？好簡單：用料新鮮質優，食物攞出黎時好夠滾熱辣，好多重要係即叫即做；增添食物時更會不時推出新菜式，好有驚喜。
冷盤有皮蛋，煎糕，鍋貼，豬腳仔，薰蹄，叉燒，芋角，咸水角，蓮藕餅等等：因為依類食物太易飽肚，所以小弟當日主攻其他熱食。唔忍得口既我見到Ｄ皮蛋色澤咁靚又咁流心都食左半隻：mmm... 超級糖心，自己喺街真係未必買倒。
熱食當然唔少得喺西方人眼中最中式既點心啦：新鮮蒸出黎，皮薄餡靚唔黏牙，味道唔錯。
小菜都有好幾款：咕嚕肉，琵琶豆腐，翠玉瓜炒牛肉，炒雞絲配花膠絲，鵝掌（應例為大餸?），鮑魚菇唐生菜等等：煮得好夠鑊氣；雖然一路喺暖爐上，但係肉質唔會因而變乾變老，獻汁又唔一pat pat；青菜都有好幾碟選擇，愛食菜既哥哥話非常清脆爽口，＂正菜＂？
肉食中最出眾既都可算係片皮鴨：獨立既檔位有專人帶住手套企喺到為客人＂片鴨＂，加醬油同大蒜包製。隻鴨重有煙出架，所以＂片鴨＂絕對唔容易，應該幾辣手。鴨本身唔肥，亦唔嚡，咬落好juicy；如果大家好似我咁怕食包食飽，係可以叫哥哥仔淨比鴨肉，甜醬，同大蒜既。
嘩，好多海鮮呀：原條蒸魚，鮑魚，蟶子，避風塘炒蟹，乾煎蝦碌等。海鮮係最值回票價既，唔使問，小弟更係食到唔停得口啦。所有海鮮都好鮮甜，一d都唔腥，煮得亦唔會過熟，冇得彈。大家最好襯熱食，因為好搶手架。
一定要向大家推介既係個粥檔，即叫即煲，粥料真係好足料，有豬腰，豬膶，豬紅，豬皮，牛肉，豬肉，雞肉，肉丸，墨魚丸等等比大家揀。唔怕膽固醇高既朋友一定要叫返碗蝦膏粥黎試下：粥底本身好夠味，蝦膏好鮮甜，真係冇得頂，媽媽既favourite也。
粥檔隔離係粉麵檔：都係即叫即做；雲吞麵，肥牛河，魚蛋米，諗到既差不多都有。
最特別既係有師傅即場表演拉麵，叫一碗拉一碗：拉麵好彈牙，湯底好清。其實拍左兩段影片，大家請先欣賞part 1：
唔鍾意食粥同麵唔緊要，因為有生炒糯米飯：炒得好乾身，好香，同好入味。
甜品都好多款：有好甜既生果（當日最正既係芒果），煎推，牛油皮蛋撻仔，椰汁糕，紅棗糕等等。最正既係即撞豆腐花，有專人分，所以桶內既豆腐花唔會爛哂。熱辣辣既豆腐花清香嫩滑，正！
後記：
1) 值得一讚既係每當有客人唔小心整跌食物時，好快就會有人清理，效率奇高；地方永遠都有人觀察住，唔會污糟，非常衛生。
2) 好難得小弟食中菜唔會口乾到要飲汽水，証明就算有味精都唔多。
3) 剛剛從友人口中得知中國會既自助餐比較大酒店既貴，真係有少少吃驚。不過人地真係比好多新鮮海鮮大家食bor。當然，如果佢提供埋魚翅同燕窩，我諗會重爆囉。
4) 嘻嘻，唔知大家覺得在下用新相機拍出黎既相係咪好靚呢？！用左新學既＂立體一掃全景功能＂同＂合成淺景深效果＂架。
Post
