街頭火鍋

Open Now

Now Closed

我最心愛嘅火鍋店推介(ᐡ ̳ᴗ ̫ ᴗ ̳ᐡ)，呢排食咗一間非常滿意嘅火鍋店叫做街頭火鍋！我係食完覺得佢哋個湯底真係真材實料好好飲！打邊爐一定要揀一個靚湯底！✨花膠濃雞湯✨冇錯啦，我就係食咗呢一個花膠濃雞湯，估唔到真係落足料，大大隻雞喺入面，而且啲花膠都唔係散修修係好大隻，花膠超滑，令到個湯底都有滿滿嘅骨膠原！味道方面好清甜！就連啲雞肉都好滑啊！✨新鮮牛舌芯✨牛舌心非常新鮮，好爽嫩！好少食到咁高質！✨牛王莫牛五寶✨一次過有齊晒新鮮滑牛，金錢展，牛胸爽，封門柳，黑柏葉！新鮮滑牛超級嫩，金錢展帶點咬口，牛胸爽夠晒爽滑，封門柳柔嫩的肉質，黑柏葉無漂白又新鮮，全部都有豐富的肉汁！✨招牌三寶丸✨三寶丸都係我嘅最愛，因為喺其他地方都食唔到咁好食嘅丸，梅菜豬肉丸係最特別嘅，蝦丸都好彈牙，安利墨魚丸都係大大粒好香墨魚味！