Video
Read full review
2010-07-10
13 views
我係中環番工,但平時唔多經過依頭,應該話唔會行去依個位,所以完全唔知有間餐廳係到.係見到有人讚依間餐廳,所以先知佢既存在;我係咖啡精同埋Risotto怪,又咁近我地頭,當然要去一躺試下啦!!可能lunch時間多人,依個時候黎會較嘈,所以佢地比我感覺係似間cafe多D;但如果夜晚靜靜地,暗d燈光,我諗就會似間意大利餐廳.我order左個Lunch Set - $118Set包括有: Artichoke Shrimp Risotto, Chicken Stock, Mango Coconut Mousse Cake;加$10重有杯Coffee.先講Risotto,飲粒煙煙銀銀,唔似港式Risotto過淋,都夠汁唔會太乾,啖啖濃郁鮮蝦味,食得出佢地個飯用海鮮湯汁煮過,夠鮮, 我鍾意!!!! 10讚真係有9.5個!!個湯充滿清甜既雞味, 似熬好耐好出味既雞湯,唔混濁, 蠻有驚喜既湯.簡單既set cake但有不錯既質素,我本身唔鍾意Mango但都覺得幾好食.$118有咁多野,有咁既質素,唔會平就馬馬虎虎!而杯咖啡亦是水準以上,我order左cafe latte,充滿咖啡既甘香亦有鮮奶既香滑,好
應該話唔會行去依個位,所以完全唔知有間餐廳係到.
係[鄉土]見到有人讚依間餐廳,所以先知佢既存在;
我係咖啡精同埋Risotto怪,又咁近我地頭,當然要去一躺試下啦!!
可能lunch時間多人,依個時候黎會較嘈,所以佢地比我感覺係似間cafe多D;
但如果夜晚靜靜地,暗d燈光,我諗就會似間意大利餐廳.
我order左個Lunch Set - $118
Set包括有: Artichoke Shrimp Risotto, Chicken Stock, Mango Coconut Mousse Cake;
加$10重有杯Coffee.
先講Risotto,飲粒煙煙銀銀,唔似港式Risotto過淋,都夠汁唔會太乾,
啖啖濃郁鮮蝦味,食得出佢地個飯用海鮮湯汁煮過,
夠鮮, 我鍾意!!!! 10讚真係有9.5個!!
個湯充滿清甜既雞味, 似熬好耐好出味既雞湯,
唔混濁, 蠻有驚喜既湯.
簡單既set cake但有不錯既質素,我本身唔鍾意Mango但都覺得幾好食.
$118有咁多野,有咁既質素,唔會平就馬馬虎虎!
而杯咖啡亦是水準以上,我order左cafe latte,
充滿咖啡既甘香亦有鮮奶既香滑,好過星記同Pac記既咖啡好多.
完全岩我依個咖啡精既要求啦!!
我食過尖沙咀間Nobilduca,
佢地既Risotto都好好食, 我好鍾意食佢地個Risotto(淨係Risotto)
但奈何份量太少價錢亦較貴,盛惠200蚊先得一碟飯仔,
我比較大食,但又唔想食佢地其他既main course..
因為試過幾次我都係覺得佢地既Risotto先值佢地收既價錢.
唔通我order兩碟Risotto咩~? 好難為情ma~"
同埋order兩碟Risotto,埋單要4百蚊,好似飯桶食飯食4百蚊低B左少少,我做唔到囉!
不過我好開心係.. ..終於比我搵到好食又抵食既Risotto喇!
而且係一間唔係淨係得Risotto先好食既餐廳!
我唔駛次次食完我最愛既Risotto都帶著DD遺憾咁埋單!!!!
我可以好滿足咁食完Risotto捧住個肚,再嘆埋杯啡至走人.
我下次再去會戴埋相機, 大家要等我啊~~!
Post