鳥森 (Closed)

原來除左壽司之外，串燒都有Omakase，岩哂我呢啲有選擇困難症既人😝今日係鳥森試左Mori Omakase，六百蚊一個人，性價比好高🤩包左8款唔同既雞肉串燒、1款燒物、 2款主菜，另外仲有雞湯同甜品。無諗過食串燒都可以飽住走🤣我最鐘意呢度嘅月見團子，係碎左既雞肉夾雜少少嘅軟骨，咬落去好juicy，口感好豐富！配埋用左清酒、醬油醃製既蛋黃做醬汁，真係好好味！另外，雞胸軟骨平時都好少見有，佢地調味得好好，香辣炭燒味，送酒一流😘燒物方面，豬肋條唔會韌，而且仲有好多肉汁，呢個好驚喜。香噴噴，好好食！主菜方面，親子丼飯入面有半熟嘅蛋同好滑嘅炭火雞肉，啲飯配埋啲肉汁，食到停唔到口🥰