天吉屋 (Closed)

一入到去見到大部份人都叫天幕御膳，所以我都跟住叫。坐低咗冇耐，店員就拎咗個雜菜出嚟，另外配咗支柚子汁。夾埋一齊食，真係好開胃，食到停唔到口，識咗一陣就食晒要叫佢加。之後望多陣就見到有牛蒡嘅漬物，佢又整得幾好味。配埋牛蒡茶，真係一絕。食咗一輪前菜，主角終於上場，望落去都幾大份幾吸引。佢個建議食法就係食咗個蝦天婦羅先，佢隻蝦好濃味好鮮甜，個天婦羅汁都好有心思，入面有蘿蔔蓉同埋薑蓉。之後佢建議嘅第二個食飯，就係加佢個秘製嘅汁落埋飯一齊食，又係另一番風味，好快就食完一碗飯。已經飽咗大半，到佢最後嗰個食法就係落埋鰹魚湯，加咗芥末，同埋紫菜成件事即刻昇華咗，全部炸物都冇得頂，係唯獨個天婦羅洋蔥式落去比較滯，不過最後都比我全部食曬。