Video
Read full review
2014-02-11
9520 views
聽左朋友介紹左好多次呢間餐廳，又話風景點靚，戶外seating點好，聽左咁耐，今日終於搵埋兩位朋友，第一次來到大埔「小白鷺餐廳」試下，我坐朋友架車來，個停車場有成五六十個免費車位任泊，原來「小白鷺餐廳」係「白鷺湖互動中心」入面，個日天氣好冷，我地無坐出面，都係坐番餐廳入面。講環境，真係幾舒服，餐廳對住個湖，湖上仲有間小白屋，好適合湖上情侶晚餐，仲有個大草地，飯後散步一流，呢個咁優美既環境已經令我想找女友來拍拖！餐廳樓底好高，夠開揚，我地揀左張對住湖既枱，三個人點左三個午餐：「紐西蘭牛柳薄牛扖伴大蝦」($158)、「香煎印式雞扖伴菠蘿紅梅飯」($138)及「扖沙孟魚柳配炸薯蜆仔牛油汁」($148)，價錢唔算貴咯，但當然都要好食先得！先來餐湯同面包，例牌菜湯或忌廉湯，無期望咯！我中意食雞，但對西餐既雞扖向來都不存幻想，但我又中意食咖喱，咪試下咯，試落又唔差噃，個印式咖喱汁調較得好入味，辣度適中，啱晒我，舊雞扖夠份量，雞肉唔「鞋」，有D驚喜！一於試埋朋友個兩味，每樣一啖，塊牛扖七成熟，好大份，肉質嫩滑，咬落feel到肉汁流出，趙兩口己滑落喉嚨，隻大蝦賣相就一般啦，我地都覺得唔錯；魚柳啖啖肉好
講環境，真係幾舒服，餐廳對住個湖，湖上仲有間小白屋，好適合湖上情侶晚餐，仲有個大草地，飯後散步一流，呢個咁優美既環境已經令我想找女友來拍拖！餐廳樓底好高，夠開揚，我地揀左張對住湖既枱，三個人點左三個午餐：「紐西蘭牛柳薄牛扖伴大蝦」($158)、「香煎印式雞扖伴菠蘿紅梅飯」($138)及「扖沙孟魚柳配炸薯蜆仔牛油汁」($148)，價錢唔算貴咯，但當然都要好食先得！
先來餐湯同面包，例牌菜湯或忌廉湯，無期望咯！我中意食雞，但對西餐既雞扖向來都不存幻想，但我又中意食咖喱，咪試下咯，試落又唔差噃，個印式咖喱汁調較得好入味，辣度適中，啱晒我，舊雞扖夠份量，雞肉唔「鞋」，有D驚喜！一於試埋朋友個兩味，每樣一啖，塊牛扖七成熟，好大份，肉質嫩滑，咬落feel到肉汁流出，趙兩口己滑落喉嚨，隻大蝦賣相就一般啦，我地都覺得唔錯；魚柳啖啖肉好新鮮，一食就知唔係飛機魚，餐廳侍應話大厨經常係大埔街巿買魚番來煮架，唔怪得咁鮮啦！
當日精選午餐共有6款，侍應話每星期大厨都會轉Menu保持新鮮感，見到枱上有情人節晚餐既Menu，相信呢度夜晚氣氛仲正仲溫馨添，問侍應情人節當晚訂位爆左未，佢話仲有少量，一於訂番兩個位先，同女友來撐枱腳，渡過一個浪漫情人節，佢地話仲有心型曲奇、心意瓶同情侶照相館咁多野玩，希望呢間餐廳情人節個晚唔好令我同女友失望啦，好期待呀！
Post
