Domon 札幌拉麵 (Closed)

昨日去試了扎晃拉麵，來之前先看看食評。大多數食評家都講呢度既拉麵湯底偏濃或偏咸，所以我都有定心里準備。為免久等，我6點鐘已經到了，一進去，原來店舖設置的坐位真的不算多，基於我們只有二人，所以要佳bar 位。我們點了1.牛油拉麵加小食蝦餃子 (3件)2.蟹肉拉麵加小食雞軟骨 (3串)3.餃子一客 (6件)牛油拉麵的材料略嫌少，叉燒都只得一片，其他材料都係海帶栗米之類。湯底加了牛油之後，確實重了牛油味，但就飲不出湯的濃味(可能師傅每次的水準總有偏差)，亦不覺得咸的味道，所以，我自己另外加了七味粉和辣油。小食方面，雞軟骨串唔錯，軟骨很爽口，並且食出師傅燒完後再加小小鹽上去，帶出雞軟骨的味。至於餃子呢，就皮薄多料，但師傅只係煎到一面係脆身，如果煎多一面，脆多少少就更好啦！我朋友就食另一款拉麵，他大概的評語跟我差不多。不過怎樣也好，總算到訪過一次呢！