橫濱日本料理 (Closed)

有時候食刺身就好似試緊腸胃到底有幾好，平時無事無幹，一試便知身體好。我唔會話刺身變壞，只係唔夠新鮮，距離變壞或者仲有好大距離。食落口發現無味，魚原來可以無魚味，𡁻來𡁻去，終於食得出係雪藏味，佢完全提醒左我刺身係未經處理的屍體，甚有禪味。同樣，雞翼完全無雞味，就算灑2粒鹽上去都未至於無味啦。真係唔好笑d節目演員講，雞有雞味，魚有魚味，原來要做到呢個份上，都唔容易架。串燒，天婦羅好hea，我想可能係我味覺唔夠好，食唔出咩味道，又或者有人想訓練自己的超級味蕾，不失為一個實戰地方。落單, 唔齊, 唔足料, 間間都係咁架啦, 預左,無計, 我向來支持地區餐廳, 當食過呢間之後，我感覺到其他餐廳更加需要我既支持，失陪先。