愛・回味396餐廳火鍋小廚

Open Now

Now Closed

見到車友話新田單車徑附近新開，個日放假就踩單車去試下，踩到去新田購物城附近再入d 就到。外牆好靚，有好多唔同既畫，色彩好繽紛，入面仲有洗手間門口有得洗手，最入有個位可以同時掛大量單車。泊好單車我就坐低揀下野食，見佢有打邊爐，不過我下午茶時間就揀左tea set, 老公就揀左飯。蔥油雞扒煎蛋飯：整得好靚，個樣討好，煎蛋脆邊，不過塊雞扒同我想像中有出入，無咩咸味，只係隱約食到有d 香矛味。下午茶生炸雞脾配蟹子沙律，百香果綠茶：百香果綠茶味道幾好，同出面台式飲品店既差唔多，仲有d QQ 喺入面，生炸雞脾同雞扒一樣，雖然好juicy, 但無乜味，而蟹子沙律太多沙律醬啦，如果小d 更好。總結：我覺得佢有心攪好間餐廳既，食物多元化，又好有心機擺盤，就當你今次失準，我會俾多次機會你。