Video
Read full review
2018-07-10
38 views
十二味呢一個品牌，好辣既我自從三年前去過紅磡第一間舖頭 之後，一直都對呢個品牌夢縈魂牽，往後既不止是烤魚，巴蜀江湖菜，貴陽牛肉粉同埋麻辣小當家，我都有一一捧場，今晚嚟到西環山市街店，場內同其它品牌旗下既舖頭一樣，一如以往地充滿住講普通話既食客，就知道呢個品牌既正宗值得我對佢一直掛念；十二味系列有一個特色，就係大部分思鄉既食客都後生斯文，餐廳入面通常都不缺五官精緻既美女，一間好食既餐廳，連食客都可以為餐廳增值。今次山市街既呢一間十二味，係裝修得最骨子既一間，門口兩個大紅燈籠高高掛，有一塊紅底黑字嘅牌匾寫住無辣不歡，彷彿就係我人生嘅寫照；呢間分店 走既係中式亭台樓閣風，極富高檔中式食店既意味，一入門口就有店員安排我地坐喺一張十分舒適既卡位，卡位同卡位之間有屏風阻隔，提高私隱度，同啲FD子大聲啲傾計都唔怕。熗炒土豆絲，熗炒係川菜中對蔬菜類既一種好普遍既做法，所謂“熗炒”，就係用熱油將花椒、乾辣椒、蒜片既味道迫出嚟，等蔬菜入油之後再將呢股麻辣鮮香隨即迫入食材裏面，秘訣係鍋熱、油多、火猛，目的只有一個，就係令蔬菜保存住嗰份水潤清脆，令其既斷生，又吸足味；土豆絲口感新鮮脆嫩，雖然被熗炒過，但係入口
十二味呢一個品牌，好辣既我自從三年前去過紅磡第一間舖頭 之後，一直都對呢個品牌夢縈魂牽，往後既不止是烤魚，巴蜀江湖菜，貴陽牛肉粉同埋麻辣小當家，我都有一一捧場，今晚嚟到西環山市街店，場內同其它品牌旗下既舖頭一樣，一如以往地充滿住講普通話既食客，就知道呢個品牌既正宗值得我對佢一直掛念；十二味系列有一個特色，就係大部分思鄉既食客都後生斯文，餐廳入面通常都不缺五官精緻既美女，一間好食既餐廳，連食客都可以為餐廳增值。
今次山市街既呢一間十二味，係裝修得最骨子既一間，門口兩個大紅燈籠高高掛，有一塊紅底黑字嘅牌匾寫住無辣不歡，彷彿就係我人生嘅寫照；呢間分店 走既係中式亭台樓閣風，極富高檔中式食店既意味，一入門口就有店員安排我地坐喺一張十分舒適既卡位，卡位同卡位之間有屏風阻隔，提高私隱度，同啲FD子大聲啲傾計都唔怕。
熗炒土豆絲，熗炒係川菜中對蔬菜類既一種好普遍既做法，所謂“熗炒”，就係用熱油將花椒、乾辣椒、蒜片既味道迫出嚟，等蔬菜入油之後再將呢股麻辣鮮香隨即迫入食材裏面，秘訣係鍋熱、油多、火猛，目的只有一個，就係令蔬菜保存住嗰份水潤清脆，令其既斷生，又吸足味；土豆絲口感新鮮脆嫩，雖然被熗炒過，但係入口一啲都唔多油，呢啲就係廚師既功架。
極品麻婆豆腐，呢個麻婆豆腐係正宗既濃油赤醬，油雖濃但絕對唔會太膩，辣得嚟帶少少甜，豆腐滑溜之餘仲好有豆味，肉碎脂肪唔多，醃得極其入味，餸飯一流，連減緊肥既胖侣都忍唔住嗌咗碗白飯嚟餸。
十二味上上簽，上上籤有牛栢葉，鵪鶉蛋，窩筍，蓮藕，午餐肉同埋海帶，味道辣中帶香，餘韻悠長，嗰種衝擊帶啲十二味經典香辣鍋既影子。
川式口水雞，口水雞上佈滿香蔥，芝麻以及花生碎，我覺得呢三樣野都係呢碟口水雞既靈魂，缺一不可；雞肉尚算嫩滑，夾埋墊底嘅青瓜絲一齊食，口感更佳，以68蚊一碟嚟講，份量絕對唔少，抵食。
經過一輪對味蕾既刺激，我倆帶住滿足既笑容離開，兩個人埋單都唔洗三舊水，就有咁正宗美味既川菜，係性價比好高既一間餐廳；我哋走嘅時候大約七點，門口已經開始有人等緊位，唔想等位嘅朋友記得早啲到啊。
Post
