Video
Read full review
2016-03-20
912 views
情人節食食食活動-終點站由於下午之後嘅活動都集中晌銅鑼灣一帶，所以晚餐都係晌返銅鑼灣解決啦！打開個Open Rice App撥一撥睇下附近有乜食啦。比我發現到呢間沾麵店。由希慎行過去唔算好遠，行到去咖啡弄果度過條馬路就到。店內裝潢以日本風居酒屋風格為主。因為我地去到嘅時間尚早，6點幾。店入面唔算多人.....但都要同另一對情侶打對面咁平排坐...(呢點我個人真係唔太喜歡。但都考慮到店家困難之處。)店內有兩邊係Bar枱(面壁位)，再有幾枱正常餐枱。其實都幾細下。(所以要搭枱唔出奇。)一坐底，佢會有一張order紙比你自己圈要咩沾麵湯底、配料追加或走蔥走荀等等。(由於我圈完就比左個店員，所以唔記得咗影相~XD)我同男友各order咗一份特濃豚骨沾麵(走荀)同濃香櫻蝦沾麵另加一份日式芝士雜炊。特濃豚骨沾麵(走荀)痴左男友個碗食左幾啖，個湯真係好濃，我覺得有D咸。但豚骨味道濃厚，好足料。濃香櫻蝦沾麵櫻蝦湯底呢個係更加吸引。店員一放上枱，就見到成碗湯都係櫻花蝦！真係好足料！正!呢個湯比起豚骨湯無咁咸，食落有好香蝦味。仲有好多櫻花蝦可以食，口感好豐富。麵方面，質地好彈牙，我鍾意。再沾上湯汁，口感再
由於下午之後嘅活動都集中晌銅鑼灣一帶，所以晚餐都係晌返銅鑼灣解決啦！
打開個Open Rice App撥一撥睇下附近有乜食啦。
比我發現到呢間沾麵店。
由希慎行過去唔算好遠，行到去咖啡弄果度過條馬路就到。
店內裝潢以日本風居酒屋風格為主。
因為我地去到嘅時間尚早，6點幾。
店入面唔算多人.....但都要同另一對情侶打對面咁平排坐...
(呢點我個人真係唔太喜歡。但都考慮到店家困難之處。)
店內有兩邊係Bar枱(面壁位)，再有幾枱正常餐枱。其實都幾細下。(所以要搭枱唔出奇。)
一坐底，佢會有一張order紙比你自己圈要咩沾麵湯底、配料追加或走蔥走荀等等。
(由於我圈完就比左個店員，所以唔記得咗影相~XD)
我同男友各order咗一份特濃豚骨沾麵(走荀)同濃香櫻蝦沾麵另加一份日式芝士雜炊。
特濃豚骨沾麵(走荀)
$88
43 views
2 likes
0 comments
痴左男友個碗食左幾啖，個湯真係好濃，我覺得有D咸。
但豚骨味道濃厚，好足料。
濃香櫻蝦沾麵
$98
33 views
2 likes
0 comments
櫻蝦湯底呢個係更加吸引。
店員一放上枱，就見到成碗湯都係櫻花蝦！真係好足料！正!
呢個湯比起豚骨湯無咁咸，食落有好香蝦味。仲有好多櫻花蝦可以食，口感好豐富。
麵方面，質地好彈牙，我鍾意。再沾上湯汁，口感再度提升！
麵嘅掛湯程度一般。我都係用匙羹輔助。因為我想連埋D蝦一齊食。
叉燒都算大塊，燒得岩岩好，淋淋地，又Juicy。唔錯。
呢度提一下各位食家。店內每一枱正常餐枱上都有一個迷你電磁爐。
如果你食食下，個湯凍左唔夠熱，係可以放返上個爐度加熱。(好貼心呀!!)
日式芝士雜炊(濃香櫻蝦湯底)
$20
31 views
1 likes
0 comments
到最後呢個日式芝士雜炊，其實就係用你頭先食剩果碗沾麵嘅湯加入飯同芝士所整成嘅。
店員仲會問你想用邊一個湯黎做。
日式芝士雜炊
27 views
1 likes
0 comments
雖然個賣相就爭D.....但味道都唔差嘅。
口感有少少似意大利Risotto，芝士味唔算太重，可能因為個湯太濃~XD。
總結：
整體上食物質素唔差，湯底好足料。價錢都算合理。
係店內環境比較細，要同人搭枱。同埋我個人認為店內燈光太暗，會眼訓。
會再來。^^
Post
