華漢茶餐廳

Open Now

Now Closed

公司附近的茶記中，「華漢茶餐廳」是我近兩年來光顧得最多的一家，愛其味道不俗且份量也足也。它在三月初因搬遷而暫時休業，攪到這個多月來真係冇啖好食。昨晚發現這間我平時當飯堂的店子終在新位置重開，即刻入去食番餐。新店明顯光猛也乾淨得多，裝修也玩懷舊風，尤愛它用黑板寫上菜名，和舊店用膠板寫上的menu有異曲同工之妙。看見還是那幾個伙記，即刻放心晒！果然，吃到的還是那熟悉的味道。這次order了舊店見別人食過，但自己未嘗過的鐵板什扒餐（配黑椒汁）賀賀佢！熱辣辣幾足料，有齊雞扒、牛扒、豬扒、腸仔及火腿，加埋什菜及薯條，跟埋另上的意粉、餐湯及凍飲，都係七十幾蚊，價錢便宜過唔少豉油西餐廳，且質素也較一般大型連鎖快餐店為高。之後連續兩天都有幫襯。其實此店我食得最多的還是煲仔菜套餐，當中的咖哩牛腩煲（相片攝於舊鋪）更是心水選擇。個港式咖哩汁唔會好辣，但夠杰身且相當下飯，牛腩、牛筋（有時會加埋金錢肚）夠晒軟，加埋青椒及薯仔，煲仔上即成夢幻組合。儘管天氣轉熱，但還是忍不住要吃。值得一提的是此店的煲仔飯也做得唔錯，冬天時的佳選也！