糖太宗 (Closed)

今日行過上水做野,行下行下見到間叫糖太宗嘅舖頭有個大魚缸,入面有好多水母,跟住個waiter 行出黎叫我入去試吓,咁o岩又有D肚饑就入去試試.一入去個環境同衛生都唔錯,但坐低就有D凍,個waiter就好主動幫我換個張台,睇落張Menu都幾多選擇,我就叫o左個豬腸粉,仲有芒果腸粉同奶茶果凍,個豬腸粉($5)賣相一般,但都幾滑,跟住黎o既係芒果腸粉($23),賣相俾想像中靚,起初以為係腸粉上淋D芒果汁,原來係塊透明o既皮包住D鮮芒果, 我食第一野就覺得有D酸,可能係鮮果o既關係,之後連皮一齊食,同入面o既芒果味配起黎可以話o岩o岩好,到我食到一半,個應該係老闆o既男人同我講佢間舖o既甜品全部都係用鮮果做(可能佢見到我個”酸”樣)成碟腸粉都好滑好滑,我D要用匙食,最後o既奶茶果凍我加o左個雪糕($12+$5)賣相ok,奶茶味o既果凍上淋o左D花奶,正中間放o左個雪糕球,味道唔錯,果凍加花奶o既味道比某D茶仔o既奶茶還好~上面o既雪糕都遮蓋唔到陣奶茶味埋單都只係$45,環境,衛生,整體都很好,值得推介!