牛極 (通菜街)

Open Now

Now Closed

牛極算係我嘅私人飯堂，每個月總會去食幾次，最鍾意就係呢度$80嘅牛肩排(180g) ，勁抵食！🔥牛肩排(180g) $80非常厚一大塊，自己係鐵板上煎，可自行控制生熟度。肉質鮮嫩又有彈性，牛味濃厚，真係非常好食。有不同調味料，任君選擇：辛味燒汁、自家製燒肉汁、蒜蓉。配湯、米飯、前菜沙律。全部都係自助形式，無限任添，無論大食定細食，都一樣滿足到你需要。湯係羅宋湯，最鍾意撈白飯一齊食，我食咗兩碗！用販賣機自助點餐，今晚座無虛席，果然係人氣食店。特別值得一提係呢度嘅店員服務態度親切，有求必應，值得加分！