老點點心竹筒飯 (Closed)

好多時經過一些食點心的店铺，老公總喜歡望多兩眼，我知佢一向喜歡上茶樓飲茶，喜歡食一盅兩件，但因工作太忙沒時間，今晚經過染布房街，見到一間食點心的店舖，名叫老點，門口有多人等位，我也想試試這老點點心，順度陪陪老公嘆一盅兩件，於是我們也加入了等位行列。吾係老點小漢堡：睇到漢堡2個字，以為餡料是牛肉，原來是蝦堡，軟錦錦的包、彈牙的蝦煲、蔬菜加埋沙律醬，十分美味！師傅冬筍鮮蝦餃：我的至愛蝦餃，皮薄餡靚又大隻，彈牙蝦肉加奭口冬筍，超級好味！海蝦肉餅竹筒飯：厚身的肉餅混有海蝦，爽口彈牙，飯是用竹筒蒸，加有少量紅米，飯軟硬適中，再加入特製豉油，美味可口！珍寶鮮蝦腸：鮮蝦都好大隻，爽口彈牙，腸粉好滑！清酒雲吞雞：湯底是清酒經過烹煮不會有太大酒味，但仍可以聞得到少許清酒的香味，自家製雲吞皮薄饀靚又大粒，雞肉嫩滑，用金華火腿和原隻雞熬製2小時才完成的湯底，味道清甜帶少許酒香，很好味！如翅高湯竹笙灌湯餃：得獎之選，當然不會錯過，灌湯餃內有蝦、竹笙、魚肚等，湯底清甜，如翅有口感，美味！