Video
Read full review
2019-09-15
1601 views
日期： 9月11日人數：2人本身係中環返工，中午食飯好難搵位。話說喺兩年前，一個舊同事帶咗我嚟呢間餐廳食lunch，自此之後就間中會來食。 餐廳位於雲咸街斜坡上一座商業大廈3樓，位置相對隱蔽。好多人會去對面的M88食飯，但比較少人會識得嚟呢度。餐廳主要做夜晚同埋happy hour的生意，但中午都有Set lunch供應。Set lunch 包括有餐湯或者沙律，可以揀一個main course，之後有飲品。沙律份量略細，餐湯係正常嘅西餐水準。Main course方面，Menu會定期更換，而個人都食過幾款，包括東南亞式煎蛋叉燒飯、紅咖喱雞腿飯等等，水準都係可以接受嘅。飲品方面，我一般會選擇餐廳嘅Daily mocktail，好有特色，好飲過一般奶茶咖啡凍檸茶。以下連同之前食過的相放埋上來：另外，你亦都可以選擇加錢叫甜品。個人就視乎當日胃口而定啦，試過加點芒果糯米飯，作為點綴。今次就覺得已經飽咗所以就冇再點了。呢度最大嘅優點係唔需要訂枱都有位。所以有時約咗人二又唔知食乜嘢好，又冇提前訂枱的話，就會選擇來呢間餐廳食飯。環境非常清靜，裝修具東南亞特色，非常加分。價錢方面，宜家比起初初我幫襯嗰
人數：2人
本身係中環返工，中午食飯好難搵位。話說喺兩年前，一個舊同事帶咗我嚟呢間餐廳食lunch，自此之後就間中會來食。 餐廳位於雲咸街斜坡上一座商業大廈3樓，位置相對隱蔽。好多人會去對面的M88食飯，但比較少人會識得嚟呢度。
餐廳主要做夜晚同埋happy hour的生意，但中午都有Set lunch供應。Set lunch 包括有餐湯或者沙律，可以揀一個main course，之後有飲品。沙律份量略細，餐湯係正常嘅西餐水準。Main course方面，Menu會定期更換，而個人都食過幾款，包括東南亞式煎蛋叉燒飯、紅咖喱雞腿飯等等，水準都係可以接受嘅。飲品方面，我一般會選擇餐廳嘅Daily mocktail，好有特色，好飲過一般奶茶咖啡凍檸茶。以下連同之前食過的相放埋上來：
另外，你亦都可以選擇加錢叫甜品。個人就視乎當日胃口而定啦，試過加點芒果糯米飯，作為點綴。今次就覺得已經飽咗所以就冇再點了。
呢度最大嘅優點係唔需要訂枱都有位。所以有時約咗人二又唔知食乜嘢好，又冇提前訂枱的話，就會選擇來呢間餐廳食飯。環境非常清靜，裝修具東南亞特色，非常加分。價錢方面，宜家比起初初我幫襯嗰陣時已經貴左唔少，有d偏貴。
Post
