臨記車仔麵 (Closed)

自從竹園開咗呢間車仔麵之後，我收工就差不多兩三日就去幫襯一次，因為佢啲餸菜比較特別啲，又啱我胃口，乾淨企理，所以晚飯通常都靠佢。今次我叫咗河粉， 42蚊套餐嗰三個餸，我就要咗瑞士花香雞翼尖，辣魷魚同豬軟骨。跟餐嘅嘢飲，我就揀咗黑芝麻豆漿。今日有啲肚餓，仲加咗6蚊要多個花枝丸，同$19要多咗三隻七味燒雞翼雞翼尖，係我喺呢度叫得最多嘅一個餸，因為夠大隻又有肉，而且夠曬味。唔似得平時有好多車仔麵啲雞翼尖真係得啲骨。