Video
Read full review
2019-08-15
1745 views
又係早排經社交平台介紹，話呢間有特濃芫茜湯底的車仔麵，我對芫茜吾抗拒，都想試吓……昨日諗定今日嚟呢度食車仔麵，所以上OPENRICE睇下D食評，我都係想試芫茜湯底車仔麵先....我十一點幾到，冇人等位，坐下剔咗麵底係黑粉絲，餸要黑枝竹、潮州魚蛋、豬皮同芥蘭，再加一杯奶茶。吾駛等好耐，奶茶同麵都好快到，第一眼見，碗麵上面綠悠悠，鋪滿生芫茜，望落個湯底有好濃翠綠色，聞吓好香好大陣芫茜味(因為是來自生芫茜)，影完一輪相，將D芫茜浸入湯中，再飲吓D湯，這時吾算好重芫茜味，清清地，吾知係咪浸晒D生芫茜入麵中，變相溝凍咗成碗麵，覺得碗麵吾夠熱辣辣了，因為我想試清楚個湯，所以吾揀咖哩魚蛋、牛腩果D重味餸......黑粉絲質感吾係我地食開果D龍口粉絲，而係少少似米粉，但又冇米粉咁白的感覺，枝竹都夠腍有好輕嘅咖哩辣味，是入味的，潮州魚蛋好爽但有少少腥，不過我食倒，豬皮都夠腍及入味，將麵同芫茜夾埋一齊食就有重D芫茜了，不過湯吾夠多好快被索晒，整碗車仔麵用芫茜湯底係夠特別的。呢度淨麵底要25元，似乎貴了些，而每款餸由8元到16元不等，價錢吾算貴，但每個餸的份量不多，魚蛋2粒、枝竹5片、菜3條、豬皮5片，如果
昨日諗定今日嚟呢度食車仔麵，所以上OPENRICE睇下D食評，我都係想試芫茜湯底車仔麵先....
我十一點幾到，冇人等位，坐下剔咗麵底係黑粉絲，餸要黑枝竹、潮州魚蛋、豬皮同芥蘭，再加一杯奶茶。
吾駛等好耐，奶茶同麵都好快到，第一眼見，碗麵上面綠悠悠，鋪滿生芫茜，望落個湯底有好濃翠綠色，聞吓好香好大陣芫茜味(因為是來自生芫茜)，影完一輪相，將D芫茜浸入湯中，再飲吓D湯，這時吾算好重芫茜味，清清地，吾知係咪浸晒D生芫茜入麵中，變相溝凍咗成碗麵，覺得碗麵吾夠熱辣辣了，因為我想試清楚個湯，所以吾揀咖哩魚蛋、牛腩果D重味餸......
黑粉絲質感吾係我地食開果D龍口粉絲，而係少少似米粉，但又冇米粉咁白的感覺，枝竹都夠腍有好輕嘅咖哩辣味，是入味的，潮州魚蛋好爽但有少少腥，不過我食倒，豬皮都夠腍及入味，將麵同芫茜夾埋一齊食就有重D芫茜了，不過湯吾夠多好快被索晒，整碗車仔麵用芫茜湯底係夠特別的。呢度淨麵底要25元，似乎貴了些，而每款餸由8元到16元不等，價錢吾算貴，但每個餸的份量不多，魚蛋2粒、枝竹5片、菜3條、豬皮5片，如果要花膠就$30....我以為個8折優惠已做完，原來今日都仲有(延長了)，原本我碗麵加奶茶係$78，8折後$62....，咁我呢碗吾算好貴試吓無坊....
呢度服務OK，眼見樓面+廚房都10幾人，因為吾係個個著同一款制服，所以吾知原來有D吾係客人嚟....這裡環境吾錯。
芫茜湯底車仔麵
$59
51 views
0 likes
0 comments
$59
54 views
1 likes
0 comments
Post
