Video
Read full review
2010-04-17
84 views
我一落飛機就飛奔黎大圍食返餐好, 因為我真係好肚餓. 唔好彩撞正dinner time, 等位我都等左半個鐘, 只好利用呢段時間決定好要食乜好, 唔使浪費時間. 雖然溫度有d低, 要坐室外, 但無損我要怒食野既決心! btw, 坐得出面就要預住個衛生有點兒那個~青檸soda佢原來係自己俾罐玉泉soda我自己黎, 咁點解我自己唔過對面ok定旁邊既7仔買?! 呢個有d呃錢喎! 仲要收成$12... 好在佢俾既青檸份量還好, 否則我一定唔會放過佢~酸辣鳳爪整碟顏色非常靚, 加上有點亂, 而且有好香既辣味, 令人一見就即刻夾一舊食~ 非常辣+酸, 但同時甜味亦有少許, 使人開胃非常. 另外唔乾身, 仲有點汁伴住, 非常正~ 但佢既辣係真係辣, 要不停咁飲野黎降低辣感~海鮮咖哩 + 蒜茸包唔好睇佢顏色咁深, 仲有2條辣椒係面, 呃人架~ 一d都唔辣, 相反仲係甜甜既, 有d似日式個隻, 但好在唔係話好甜好 "漏", 咖哩味不論聞定食都非常濃, 所以用又熱又脆既蒜茸包點真係一流. 蒜茸包仲要有返咁上下厚, 加上好香既蒜茸味, 真係好味~ 海鮮咖哩內有薯仔 (已經煮到好 "林" 又入味, 非常好食)
青檸soda
佢原來係自己俾罐玉泉soda我自己黎, 咁點解我自己唔過對面ok定旁邊既7仔買?! 呢個有d呃錢喎! 仲要收成$12... 好在佢俾既青檸份量還好, 否則我一定唔會放過佢~
酸辣鳳爪
整碟顏色非常靚, 加上有點亂, 而且有好香既辣味, 令人一見就即刻夾一舊食~ 非常辣+酸, 但同時甜味亦有少許, 使人開胃非常. 另外唔乾身, 仲有點汁伴住, 非常正~ 但佢既辣係真係辣, 要不停咁飲野黎降低辣感~
海鮮咖哩 + 蒜茸包
唔好睇佢顏色咁深, 仲有2條辣椒係面, 呃人架~ 一d都唔辣, 相反仲係甜甜既, 有d似日式個隻, 但好在唔係話好甜好 "漏", 咖哩味不論聞定食都非常濃, 所以用又熱又脆既蒜茸包點真係一流. 蒜茸包仲要有返咁上下厚, 加上好香既蒜茸味, 真係好味~ 海鮮咖哩內有薯仔 (已經煮到好 "林" 又入味, 非常好食), 魷魚, 同埋唔記得, 但d配料係唔多既~
燒豬頸肉
其實我地叫既係豬頸肉沙律, 但佢上左呢碟野, 我斷估佢都唔會係沙律掛? 但由於我太肚餓, 唔理3721, 食左先算. 呢個燒豬頸肉熱辣辣上台出哂煙, 係咁凍既情況下食真係一流~ 佢係用左好多既香草同佢一齊炒, 所以非常惹味, 加上豬頸肉又好鬼爽口, 真係食唔停口~
炸蝦餅
爽口, 彈牙, 新鮮, 夠脆, 又香口, 炸得 "火農", 正! 一大舊已經俾佢切開一半, 變到細細舊, 入口變得容易, 但咁只會令我不停夾入口~ 哈~ 不過熱氣非常, 要飲返d 24味下火先得喇~
炒芥蘭
芥蘭十分新鮮清甜, 又脆又爽, 又好大條喎, 十分好咬口, 但可惜味道我嫌偏鹹, 而且相對細碟, 有點不夠食喎~
大菜榚
飯後餐廳方面送虛甜品一份, 但可惜我個胃經已太full, 裝唔落喇, 下次啦, 早d講我知, 等我留埋d quota~
tonight雖然有d凍, 又大風, 但食住咁多熱辣辣又香既食物, 感到非常滿足~
Post
