柳氏家 (Closed)

本身自己係牛角會員，見開左間新韓國野，咪同家人三個人試下。睇睇個menu, 個主菜唔同味既炒雞有分普通版同特大版，普通版供二人食用，特大版供四人食用，另外亦可選擇60,75,90分鐘放題, 問過侍應特大版應該夠4個人食，又怕任食太趕，咪試下佢個特大版，另外再加左一份大拉面。 點知出到黎就係相咁既樣，請問邊到夠4人份量呀？如果佢當我地每人只可以食兩啖，咁不如你話係8人份量啦？甚至16人份量都得啦？如果冇加到個拉面，個樣仲似俾乞衣。而且，果d所謂炒雞，其實同佳寶果d急凍雞柳質地相若，好霉。埋單$326，好彩係會員唔洗加一，但出左要去第二間餐廳食過，唉，我諗極都諗唔明我地三個人究竟食左d乜。食完真係真心灰晒。