味皇茶餐廳 (Closed)

每次嚟呢度都會不自覺點個星洲炒米嚟食。有時明明諗住試下其他嘢，都會忍唔住叫翻碟星洲炒米！因為呢度嘅星洲炒米實在太符合我個人口味 ，亦係我食過咁多星洲炒米最好食嘅！米粉夠幼細，咖哩亦非常香濃，材料豐富，所以次次都食到唔停得口！好快就食晒一碟米粉啦。若果各位喜好食星洲炒米嘅朋友一定要嚟呢間試下，好食到冇人有。遇啱午巿套餐或者下午茶有呢款，就真係又抵又好味！仲有就係呢度套餐送嘅咖啡唔係一般茶餐廳嗰啲苦澀咖啡，而係即磨咖啡，雖然未必及得上咖啡店嗰啲咖啡，但都算唔錯啦！