泰式燒烤

Open Now

Now Closed

想食泰菜，難得家人願意陪我出九龍城食，唔駛諗，一定係嚟呢間，這幾年內，食過無數次，但以前要上班，懶得打食評，家陣係自由工作者，有時間慢慢介紹了。我們一行三人，叫了咖哩蜆配薄餅(蜆好大隻，冇沙，薄餅也很鬆脆，咖哩是冇乜辣果種，要吃辣的，必須提早講比店員知)，燒雞翼(燒得外脆內軟，每次都必食的)，蒜子胡椒蝦(這款水準很不穩定，試過幾次整得好重蒜片及胡椒味，好好食。但也試過幾次，像今次的，蒜片及胡椒味唔夠重，蝦則每次都吃到彈牙的)，生菜包(這個沒甚麼難度，一定好食的)，蝦醬炒飯(老實講，吃不出蝦醬味，如果當普通炒飯來食，真的炒得不錯，泰式焟腸，入口甜甜的，也很好味)。/(因唔想每次都叫同樣的，有些個人覺得唔錯的，今次冇叫。其實這兒的鐵板蠔仔旦，蠔仔很飽滿，做法不是廣式的脆炸，味道都唔錯。還有這兒的香茅獅鉗沙律都幾有特式，幾好味。呢間食肆很細，以前很多泰國人幫襯，但現在本地人也多了，也是我去九龍區食泰菜的首選，很擔心越嚟越多人知道後，日後去的話，冇咁易搵位。但我自己都常在openrice睇食評搵食，冇理由自己又唔介紹的嘛！😛)