Video
Read full review
2007-07-04
完了149後, 仲未想散, 結果7個人行了出旺角宵夜. 樓下係過百人排隊, 都係來這裡好一點, 即刻有得食. 當然都有點擔心, 之前來食過, 弟兄J對這裡的評價係相當差.四個頌揚高層坐係高凳上, 微妙微妙.夜了, 不用吃得太飽. 叫的食物主要係以特色為主, 加上上次吃過滿意的食物.青青綠綠爽爽貢菜$25: 7分, 係日本貢菜加上混合調味醬. 又真係幾清同爽甜的. 不錯的開始.青紅綠橙咕嚕肉$38: 7分, 青紅綠橙? 定係士多啤梨蘋果橙? 餐牌上寫著係品味創作, 香港品牌, 果然有點特別. 外面係即焗麵包球, 入面有豬肉, 青椒, 紅椒同菠蘿. 其實即係農夫包加咕嚕肉. 麵包唔係好脆, 還可以. 咕嚕肉的甜酸度未夠, 但炸得幾好. 不過麵包跟咕嚕肉唔係點匹配.洪七公醬汁捧捧骨$48: 6分, 連洪七公都出埋? 真勁. 一排方包, 中間放了豬吋骨, 乾蔥, 薑粒, 加上調味醬汁, 用洪七公煮法就完成. 看上去似插上蠟燭的生日蛋糕多過似洪七公的打狗棒. 這個洪七公醬汁相當杰, 濃濃的, 豬吋骨味道一般. 用個汁點方包反而不錯.雞尾搖滾沙律(現場製作) $32: 7分, 洋名係Bar Ten
四個頌揚高層坐係高凳上, 微妙微妙.
夜了, 不用吃得太飽. 叫的食物主要係以特色為主, 加上上次吃過滿意的食物.
青青綠綠爽爽貢菜$25: 7分, 係日本貢菜加上混合調味醬. 又真係幾清同爽甜的. 不錯的開始.
青紅綠橙咕嚕肉$38: 7分, 青紅綠橙? 定係士多啤梨蘋果橙? 餐牌上寫著係品味創作, 香港品牌, 果然有點特別. 外面係即焗麵包球, 入面有豬肉, 青椒, 紅椒同菠蘿. 其實即係農夫包加咕嚕肉. 麵包唔係好脆, 還可以. 咕嚕肉的甜酸度未夠, 但炸得幾好. 不過麵包跟咕嚕肉唔係點匹配.
洪七公醬汁捧捧骨$48: 6分, 連洪七公都出埋? 真勁. 一排方包, 中間放了豬吋骨, 乾蔥, 薑粒, 加上調味醬汁, 用洪七公煮法就完成. 看上去似插上蠟燭的生日蛋糕多過似洪七公的打狗棒. 這個洪七公醬汁相當杰, 濃濃的, 豬吋骨味道一般. 用個汁點方包反而不錯.
雞尾搖滾沙律(現場製作) $32: 7分, 洋名係Bar Tender Rock'n roll Cocktail Salad, Beyond定Anodize? 揀了美國千島汁, 店方聲稱菜係多種有機溫室蔬菜, 真係堅.
當然無從稽核.
上臺時係菜同車厘茄裝係一個高樽. 侍應加入千島汁之後就開始表現樂與怒, 但係搖幾搖就算. 菜算係新鮮, 不過搖完又唔覺千島汁特別均混. 上次係台場自己搖仲好. 既然係玩的意義大過實則作用, 不如比客人自己搖仲好.
但點解放係心型碟? 情侶沙律?
石中隱肉(現場製作) $48: 6分, 又係拉闊菜, 四樣配料京蔥, 唐芹, 蒜片同乾蔥片揀一樣, 揀了京蔥. 豬牛雞三揀一, 揀了牛. 汁仲勁, 國際化的選擇, 可以揀悉尼黑椒汁, 印度黃咖哩汁, 神戶照燒汁, 馬來沙茶汁. 甚麼係悉尼黑椒汁? 最後係揀了神戶照燒汁.
上臺時係一個大桶入面放了石頭, 先加京蔥, 再落牛肉, 最後加神戶照燒汁. 石頭的確令到桶牛肉保持熱度. 但肉質麻麻, 京蔥好香口, 照燒汁就一般. 或者我們遲了點才吃, 牛肉有點老了.
鐵板手弄薄燒(現場製作) $38: 7分, 同樣係拉闊, 今次配料只能要京蔥, 肉係牛羊中揀了內蒙羊肉, 汁都係個四樣揀, 要了印度黃咖哩汁. 印度溝內蒙.
今次係用鍋上, 又係先加京蔥, 再落羊肉, 最後加印度黃咖哩汁. 又係熱辣辣的菜色. 黃咖哩汁其實未算好辣, 但都好惹味. 羊肉麻麻騷.
創意水晶蝦球伴索當尼白酒汁$48: 5分, 水晶蝦球? 仲以為係水晶蝦餃, 仲有創意啦. 酥盒聲稱係即焗, 但不太熱, 溫溫吞吞. 蝦用了大老虎蝦球, 係幾大隻的. 但那個索當尼白酒汁係杰杰的, 加上溫溫吞吞的酥盒, 口感一般.
食物係幾特別, 甚至奇怪. 味道只係平平, 又未算差的. 價錢方面, 你可能見上面介紹的食物都算平, 但其實份量係好細, 唔係太抵. 服務係水準之下, 做完拉闊就無乜見影.
當然一班人來看拉闊係相當高興的. 又可以食到特別菜色, 都可以一試的.
Post
