Pho星登陸越球 (Closed)

最近，Pho星登陸越球 有新搞作，限時88分鐘任食大閘蟹放題，$498/位(4至5兩)未食前確係有個疑問，究竟限時內可以食到幾多隻大閘蟹呢？當坐低一刻起，心裡自然會股衝勁就係想食回本啦～可以放心的是大閘蟹上桌一刻起，店員才會按動鐘仔開始計時，而每人每次可叫兩隻。上桌速度幾快，大閘蟹可以一隻接一隻不停食。蟹公蟹公全是蟹公有4至5兩重，隻隻蟹膏都唔少，肉質鮮美。唔算大隻兩啖食完一隻，所以一人食十隻唔係一件難事。最後，食完可以玩疊高高蟹蓋，相當有滿足感的。除供應大閘蟹外，仲可任點小食和飲品。而小食份量真係好少，不過任添就無妨嘅～木瓜蝦沙津：越式檬汁撈口感爽脆木瓜，開胃前菜之選。沙嗲串燒(豬/雞)：細細串啖啖肉，叫多幾串先滿足，係沙嗲醬惹味。蟹粉花枝丸：口感彈牙花枝鮮味，正。厚燒鰻魚：一份一件咋，所以不留手劃多七份，鰻魚厚肉不過係凍食。香茅雞翼：普通雞中翼姐，係雞皮煎得幾香。越球春卷：春卷普普通通。椰汁珍多冰：充滿椰奶味，珍多口感一般。咸檸七：標準味道最穩陣之選。