星願 居酒屋 (Closed)

今日得我同媽咪兩個人喺屋企食飯，媽咪一句懶得煮，就造就成我哋今晚食日本嘢啦🤣呢間日本餐廳算係我哋一家人嘅飯堂，因為我哋全家都鍾意食日本嘢，一諗唔到食咩就會食佢🤤同埋佢哋餐廳勁多款式，食多幾次都唔會厭呢👍🏻媽咪叫左個黑蒜餃子拉麵🙈呢個黑蒜嘅豬骨湯底夠晒濃味，一飲個湯底就知真材實料！餃子包得勁紮實，啖啖肉而且有肉汁🤤仲有一定要講佢隻糖心蛋，半糖心嘅狀態真係好正！我就叫咗星願海膽丼，呢個丼飯有齊三文魚、帶子、甜蝦、吞拿魚、油甘魚同我最鍾意食個海膽，每樣刺身都好正好新鮮🤤帶子厚身三文魚🍣又肥美，海膽仲要係甜嘅👍🏻