珍煮丹 (Closed)

銅鑼灣真係好多手搖飲品店阿，但係以我飲過咁多芋頭鮮奶嚟講，珍煮丹真係最好飲！佢地嘅芋頭鮮奶係用黑糖調味，唔會另外落白糖嗰啲，即刻感覺好天然先啦，入面奶同芋頭嘅比例啱啱好。有啲唔好飲嘅係會勁多芋頭！飲都飲唔到！但係！珍煮丹呢杯絕對唔會！飲嘅時候係會覺得仲飲緊一杯野，唔係淨係食一杯芋頭。d芋頭大小啱啱好，一啖飲落好多芋頭好好咬阿，好香阿！真係好鐘意飲！除咗奶類之外，我覺得有時熱熱地飲杯佢地嘅花茶，清清淡淡都唔錯阿，好解渴，個人都即時無咁熱。