Video
Read full review
2024-06-18
43 views
終於又到咗瘋狂出海釣墨魚嘅時間，🎣上個星期六晚約咗喺西貢上船，今次我竟然難得地冇遲到，仲早咗成個鐘添😎有個都係早到咗嘅朋友就叫埋我一齊食個early dinner 🍽️原來大家對自己釣墨魚嘅實力都好冇信心😂驚今晚冇嘢食要打定底我哋見到市場街果邊有間cafe個裝修都幾OK，就入咗去試下。一入到去就見到間餐廳好有懷舊feel，擺咗好多舊玩具舊漫畫響度做擺設。與其話係一間cafe，不如話佢係一間博物館都唔算過份。題外話，呢度仲有好多近期好收得嗰套港產片嘅宣傳海報，我朋友笑住同我講佢老婆最近都變咗「劉太」，估唔到嚟到西貢都見到「劉生」😂首先我哋嗌咗個前菜「法式焗田螺」，有咬口之餘仲夠彈牙，最緊要啲田螺夠哂肥美，唔錯👍又嗌咗一份「美國安格斯西冷」同埋「挪威三文魚扒」🐟，廚師功力好夠，兩塊扒都煎得好香，而且唔會煎到過曬火喉，變得好乾身或者柴皮。尤其是三文魚，食嘅時候更加係食到入面嘅嫩滑，非常好。我哋仲嗌咗個「碎蛋沙律三文魚牛角酥」，佢呢度嘅牛角酥係可以自己揀配料嘅，例如可以揀煙雞肉、煙三文魚、煙鴨胸、煙豬手肉、芝士、碎蛋沙律、吞拿魚、火腿或者蕃茄都可以任揀兩款。呢個牛角酥份量好足夠，同埋「碎蛋沙律+
上個星期六晚約咗喺西貢上船，
今次我竟然難得地冇遲到，
仲早咗成個鐘添😎
有個都係早到咗嘅朋友就叫埋我一齊食個early dinner 🍽️
原來大家對自己釣墨魚嘅實力都好冇信心😂驚今晚冇嘢食要打定底
我哋見到市場街果邊有間cafe個裝修都幾OK，就入咗去試下。
一入到去就見到間餐廳好有懷舊feel，擺咗好多舊玩具舊漫畫響度做擺設。與其話係一間cafe，不如話佢係一間博物館都唔算過份。
題外話，呢度仲有好多近期好收得嗰套港產片嘅宣傳海報，我朋友笑住同我講佢老婆最近都變咗「劉太」，估唔到嚟到西貢都見到「劉生」😂
首先我哋嗌咗個前菜「法式焗田螺」，有咬口之餘仲夠彈牙，最緊要啲田螺夠哂肥美，唔錯👍
又嗌咗一份「美國安格斯西冷」同埋「挪威三文魚扒」🐟，廚師功力好夠，兩塊扒都煎得好香，而且唔會煎到過曬火喉，變得好乾身或者柴皮。尤其是三文魚，食嘅時候更加係食到入面嘅嫩滑，非常好。
我哋仲嗌咗個「碎蛋沙律三文魚牛角酥」，佢呢度嘅牛角酥係可以自己揀配料嘅，例如可以揀煙雞肉、煙三文魚、煙鴨胸、煙豬手肉、芝士、碎蛋沙律、吞拿魚、火腿或者蕃茄都可以任揀兩款。呢個牛角酥份量好足夠，同埋「碎蛋沙律+三文魚+牛角酥」呢個鐵三角組合，真係令人難以抗拒😍
飲品方面，嗌咗一杯「凍焦糖芝麻」同埋一份「雲呢拿雪糕咖啡」🍧。先講下個「凍焦糖芝麻」，我開頭驚會太甜，但係飲落反而會有一陣芝麻嘅香味出嚟，整體嚟講我覺得好平衡。
另一方面個「雲呢拿雪糕咖啡」，又係好正，我偷飲咗幾啖，同樣地我都係覺得好平衡，啲咖啡味唔會太濃，雲呢拿雪糕嘅甜味又唔會遮曬啲咖啡味。我個人覺得可以做到「平衡」呢件事係好考功夫㗎！☕️
整體嚟講，呢一間cafe無論係裝修到食物，前菜到飲品，都做得好。唔通呢啲就係叫做隱世餐廳😂
食完呢餐之後上船，食到飽曬嘅我哋都冇咩心釣墨魚，可以專心飲啤酒吹水喇🥳🍻
法式焗田螺
1 views
0 likes
0 comments
美國安格斯西冷
1 views
0 likes
0 comments
挪威三文魚扒
1 views
0 likes
0 comments
碎蛋沙律三文魚牛角酥
2 views
0 likes
0 comments
凍焦糖芝麻
2 views
0 likes
0 comments
雲呢拿雪糕咖啡
1 views
0 likes
0 comments
Post
