雲南風味小鍋米線

Open Now

Now Closed

小妹不嬲都唔好米線，但係係無選擇既情況下黎食左次，之後我竟然成日掛住佢😂仲自己黎食左好幾次😂😂餸呢就同其他店差不多，而今次就叫左碗小鍋米線 🍜加左腐竹，酸菜，雞翼，肥牛😍湯底轉咗做酸辣濃湯。腐竹係鮮腐竹黎既，份量非常多！口感好順滑豆味都夠香😋唔會好易爛食落去都仲有啲口感。最鍾意係同米線夾埋一齊食🤩酸菜嘅份量亦都係好多好多！多到係基本上每一啖都一定會有佢🤣味道偏甜唔會話太酸。口感爽脆好開胃😌肥牛就係平時打邊爐嗰款，不過不失。雞翼有2隻，都夠入味，但係肉質比較實，一定係做慣運動嘅雞😂😂我諗最吸引我嘅係佢嘅湯底同米線，以前成日覺得米線太過稔。冇乜口感。但係呢度嘅米線會有少少煙韌嘅感覺，同埋比較幼身。湯底酸酸辣辣令人食唔停口。辣度又可以自行選擇，啱晒唔同口味嘅米線控。