幸福班戟 (K11 Musea) (Closed)

其實我唔係好鍾意K11musea呢間幸福pancake嘅位置，因為如果店裏面嘅位full左，就要坐出去商場，感覺唔係好衛生，而且食得唔自然，因為啲人係你面前行嚟行去，你好似動物園裏面啲動物咁俾人係咁望住。講返嘢食今日叫咗兩款班戟，一款係芝士慕絲雜莓醬班㦸，另一款就係奶茶班戟配自家製穀麥。芝士慕絲雜莓醬班㦸 - 芝士慕絲嘅芝士味唔濃，雜莓醬就偏酸。奶茶班戟配自家製穀麥 - 奶茶味道幾濃郁，穀物裏面有啲乾果，而乾果帶有少少玉桂味，當食到乾果既時候會提升味道嘅層次。不過食過咁多次我都係覺得最好食係原味！