十三么

Open Now

Now Closed

唔係誇張，車仔麵食過好多，因為係普通嘅食物，所以印象都不太深刻，唯一深刻嘅就係十三么。我幫趁過好多次了。首先，三餸三十九蚊，十分相宜，而且算大碗，總之如不是特別大胃王午餐就恰恰好。而家好少三餸又足料，每個餸都起碼四、五舊，蟹柳餅果d就兩塊大小合理的，絕無欺場。我今次叫了魚蛋、日本溏心蛋、蟹柳餅，幼麵，有啲餸唔係度度車仔麵都會有得食。個溏心真係幾靚，另外用一個兜分開，幾用心。麵同餸也好入味！附加幾條生菜。至於，辣醬方面，我平時食開勁辣，佢d辣椒醬未去到我極限，但唔需要極限，佢隻醬好好味，同佢個湯底勁配！佢哋應該家庭式經營，佢哋都好有禮貌。而家疫情無堂食只係外賣，但中午條人龍有時都好長。就係大概因為又好食又抵吧。