秋田火鍋海鮮丼浜燒專門店 (Closed)

今日又試新餐廳，環境唔錯，有日本 feel，入到嚟都唔覺有鯹味👌。我一坐底，就叫啤酒先啦，大大杯 KIRIN 👍。點咗個築地二人前😋。先嚟極上刺身拼盤，一見到三文魚就扣分👎，海膽、拖羅、甜蝦都好味😋。跟住河豚魚乾，燒得唔夠乾👎。人氣蟹味噌甲羅燒，好有蟹味👍。青森殘酷鮑魚，燒得唔錯，好彈牙又有汁👍。朋友研究個鮑魚殼，點解會咁靚，會唔會用完洗乾淨再用🤔。澳洲頂級牛胸肋骨肉，燒得 over 咗，好韌吓👎。山之惠黑松露茸野菌箔燒，我唔係太鍾意食呢啲，但都試咗少少，都 ok 嘅👌。伊勢海老，個醬都唔錯，但蝦尾就唔太有蝦味，都彈牙👍。反而蝦頭正好多👍。九洲松葉蟹，真係鮮甜好有蟹味😋👍。築地海鮮雜炊，好甜嘅粥👍。甜品係蜜瓜，但係未熟嘅，好生硬😥。店內都係港人服務，就連燒烤都係佢地服務，我就覺得差咁啲日本人氣喇😥。