民益

Open Now

Now Closed

星期五入咗赤柱逛下食下嘢。平時見市集生果鋪門口成日大排長龍有人等位，由於今日是平日，只有一兩個人等，所以入去睇吓有乜食。啲人應該係等門口嗰間「泗益」茶餐廳食西多士......但見冇位，所以去咗隔離嗰間「民益」食魚蛋粉。一坐低就有幾隻「豆豉」飛來飛去，有啲想轉呔，但最後都叫咗碗魚蛋粉、油菜同奶茶。檔口只有兩個人做嘢，一個負責煮麵，一個負責落單同上食物。地方細細只有六七張枱，而且坐唔滿，只見廚師係咁煮，但煮極都輪到我哋張枱，只見阿姐成日攞咗啲麺出去唔知邊度！等咗好耐，又催咗幾次,速度簡直超慢，有啲唔耐煩！另外嗰個阿姐成日藤來藤去，好似好忙咁，隔離新來嗰兩個客人想叫汽水，阿姐都叫佢自己去囉！客人都O晒嘴最後魚蛋粉終於嚟咗，好彩都ok，啲麵幼身而且幾滑口，魚蛋都有魚味及口感ok。奶茶味道有大排檔風味，但比想像中細杯！油菜都好細碟，好似一棵生菜都唔夠！不過都幾爽口。不過基於環境質素同速度，應該都唔會再有下次了。