Video
Read full review
2019-08-19
1055 views
平日都好鍾意同朋友嚟茶木，不過去親都大排長龍，好難先食到，今日難得早啲去到攞位，終於食到啦！朋友話呢度嘅話梅粉地瓜條好好味，地瓜又即係蕃薯，雖然我平時唔好食蕃薯，不過食落又真係唔係好似蕃薯，有啲似著條🍟，帶少少甜味，上面曬滿話梅粉，酸酸甜甜，好開胃，令人越食越想食，又香又脆，最後我都食左大半兜，朋友果然無介紹錯。呢度有我至愛嘅蚵嗲肉碎泡飯🤩，啲蚵仔又大又肥美，蚵仔份量足夠，做到一啖飯一口蚵仔，泡飯加埋芫茜嘅香味，成碗泡飯都充滿住芫茜香味。嚟到茶木真係不得不點紅燒牛肉麵，啲湯真係無得頂，個湯夠濃，紅燒牛肉滑嫩，入口即化，麵條煙韌彈牙，蘿蔔夠淋，超讚！夏日炎炎飲番杯西瓜柳丁蘆薈，至高享受，好冰凍，仲有粒粒蘆薈，絕對係消暑佳品。朋友就係朱古力控🍫，呢杯巧克力火山就岩晒佢，面頭有cream 同可可脆，入面仲有啲朱古力粉，多從口感，層次感豐富！近年都好流行食戚風蛋糕，估唔到呢度都有得食，海鹽戚風蛋糕鬆軟🍰，面頭有cream有鹽味，有個倒轉嘅朱古力甜筒、有杏仁片、爆谷好甜🍿好脆，伴碟有可可粉同埋花瓣🌸🌼，入面仲有啲珍珠，成個蛋糕好多種唔同口味，係咪見到都流晒口水呢。食埋個甜品真係非常之飽，好滿足嘅
平日都好鍾意同朋友嚟茶木，不過去親都大排長龍，好難先食到，今日難得早啲去到攞位，終於食到啦！
話梅粉地瓜條
30 views
0 likes
0 comments
朋友話呢度嘅話梅粉地瓜條好好味，地瓜又即係蕃薯，雖然我平時唔好食蕃薯，不過食落又真係唔係好似蕃薯，有啲似著條🍟，帶少少甜味，上面曬滿話梅粉，酸酸甜甜，好開胃，令人越食越想食，又香又脆，最後我都食左大半兜，朋友果然無介紹錯。
蚵嗲肉碎泡飯
30 views
0 likes
0 comments
呢度有我至愛嘅蚵嗲肉碎泡飯🤩，啲蚵仔又大又肥美，蚵仔份量足夠，做到一啖飯一口蚵仔，泡飯加埋芫茜嘅香味，成碗泡飯都充滿住芫茜香味。
紅燒牛肉麵
43 views
0 likes
0 comments
嚟到茶木真係不得不點紅燒牛肉麵，啲湯真係無得頂，個湯夠濃，紅燒牛肉滑嫩，入口即化，麵條煙韌彈牙，蘿蔔夠淋，超讚！
西瓜柳丁蘆薈
27 views
0 likes
0 comments
夏日炎炎飲番杯西瓜柳丁蘆薈，至高享受，好冰凍，仲有粒粒蘆薈，絕對係消暑佳品。
巧克力火山
27 views
0 likes
0 comments
朋友就係朱古力控🍫，呢杯巧克力火山就岩晒佢，面頭有cream 同可可脆，入面仲有啲朱古力粉，多從口感，層次感豐富！
海鹽戚風蛋糕
15 views
0 likes
0 comments
海鹽戚風蛋糕
18 views
0 likes
0 comments
近年都好流行食戚風蛋糕，估唔到呢度都有得食，海鹽戚風蛋糕鬆軟🍰，面頭有cream有鹽味，有個倒轉嘅朱古力甜筒、有杏仁片、爆谷好甜🍿好脆，伴碟有可可粉同埋花瓣🌸🌼，入面仲有啲珍珠，成個蛋糕好多種唔同口味，係咪見到都流晒口水呢。
食埋個甜品真係非常之飽，好滿足嘅一餐！
Post
