滿樂中菜 (Closed)

第一次去西九文化區戲曲中心，外型科幻新穎非常吸引，不過人流卻比想像中少，中心有少量餐廳，大劇院，小劇場，不時亦有導賞團，今日就同親戚試其中一間中菜館—滿樂中菜。聽聞它是老牌潮州菜館百樂潮州集團旗下，之前都有食過，覺得質素都不錯，所以對呢餐都有期望的～～～            杏汁燉白肺湯 (每位$88 / 4位用$268)    杏味濃厚，燉到奶白色的湯底一睇就知火喉十足，豬肺洗得好乾淨雪白，且沒有平時那種豬蘇味，加上口感嫩滑，飲了一口就會大口大口地喝。手拍青瓜青瓜冰涼爽脆加上醋汁調味，開胃又清爽，好適合而家咁熱的天氣，好特別地配上紅石榴籽，夾埋一齊食更加清爽。蜜汁叉燒 好耐無食叉燒，蜜餞燒得好靚閃閃發光，一睇就知係好叉燒！肉質係肥瘦夾雜，適量的油脂令到口感更鬆化軟腍唔會一味死實實，唔可以成日食燒味的情況下，我覺得呢次Quota抵比。椒鹽九肚魚 $98炸衣唔厚身，魚肉保持到鮮嫩唔會好乾，最重要係無骨同唔腥，簡單用椒鹽調味已非常惹味。三菇燴六耳食左咁多肉叫返個素菜平衡下，有齊三菇冬菇、蘑菇、草菇，六耳木耳、黃耳、雪耳、百合燴煮成，每種菇類的生熟度剛剛好，不錯。滿樂蔥蒜牛肉崧煨飯 ($1