Video
Read full review
2019-09-10
563 views
※本文以用餐當日的環境、服務和食物質素為準，口味亦因人而異，文章只作參考之用。-唔知大家有無去過柯士甸站既西九龍全新文化地標傳統戲曲中心呢😬 個環境真係好大好靚！純白潔淨既設計、充滿線條既美感，仲望到維港景色🌃 當中隱藏左數間特色餐廳，「遊園·茶記」就係其中一間。「遊園」以港式懷舊茶室作藍本，餐廳環境闊落，有多款港式地道菜式選擇。特地找來多年經驗的潮菜師傅炮製拿手菜式，包括各款滷水菜式。仲有佢地出名既「芫茜湯車仔麵」都非常多人棒場。今次試左幾款菜式、燉湯同甜品。估唔到呢度仲有保衛爾牛肉汁 $22，老公忍唔住試。飲落就好似溝淡左好多既牛肉湯，好唔好飲就見人見智🙈。首創鹹檸檬燉鵝湯 $48、雪蓮子蟲草花燉竹絲雞 $45前者呢款燉湯加入左鹹檸檬去燉煮，飲落帶點鹹鹹甘甘地好似鹹甘桔既味道，頗為特別。小妹就比較喜歡燉竹絲雞湯，裡面湯料都幾多，飲落唔油，很有住家湯的味道，不錯。金牌滷水鵝件雙拼配滷水鵝肝 $148兩款滷水鵝肝和鵝片色澤對辦，鵝肝食落甘香，質感不會硬，能滲出陣陣滷水的味道，不錯；鵝片就略嫌切得比較細件，帶點骨，未能大快朵頤是有點失望。咸柑桔肉排 $108肉排肉質鬆化，帶酸酸甜甜咸柑桔
-
唔知大家有無去過柯士甸站既西九龍全新文化地標傳統戲曲中心呢😬 個環境真係好大好靚！純白潔淨既設計、充滿線條既美感，仲望到維港景色🌃 當中隱藏左數間特色餐廳，「遊園·茶記」就係其中一間。
「遊園」以港式懷舊茶室作藍本，餐廳環境闊落，有多款港式地道菜式選擇。特地找來多年經驗的潮菜師傅炮製拿手菜式，包括各款滷水菜式。仲有佢地出名既「芫茜湯車仔麵」都非常多人棒場。
今次試左幾款菜式、燉湯同甜品。估唔到呢度仲有保衛爾牛肉汁 $22，老公忍唔住試。飲落就好似溝淡左好多既牛肉湯，好唔好飲就見人見智🙈。
首創鹹檸檬燉鵝湯 $48、雪蓮子蟲草花燉竹絲雞 $45
前者呢款燉湯加入左鹹檸檬去燉煮，飲落帶點鹹鹹甘甘地好似鹹甘桔既味道，頗為特別。小妹就比較喜歡燉竹絲雞湯，裡面湯料都幾多，飲落唔油，很有住家湯的味道，不錯。
金牌滷水鵝件雙拼配滷水鵝肝 $148
兩款滷水鵝肝和鵝片色澤對辦，鵝肝食落甘香，質感不會硬，能滲出陣陣滷水的味道，不錯；鵝片就略嫌切得比較細件，帶點骨，未能大快朵頤是有點失望。
咸柑桔肉排 $108
肉排肉質鬆化，帶酸酸甜甜咸柑桔的味道，用來下飯很開胃。
手工反沙芋 $78
呢個反沙芋真係好邪惡，外層包裹整件芋頭既沙糖咬落脆口，中心既芋頭仲見到出晒煙架😍外脆內軟，令人食唔停口。
黑芝麻奶凍 $35
呢個奶凍無落魚膠粉既關係，質感比較軟滑，食落芝麻味勁重，就好似食緊凝固左既芝麻糊，好食！
Post
