滿樂中菜 (Closed)

終於到左週末，可以同老公行下街，食下野，一直都想去戲曲中心行下，一來交通超方便，二來去欣賞呢個建築物既設計，感受一下戲曲藝術行完之後，就去醫肚，滿樂中菜位於一樓，由出面望入去，已經比裝潢吸引左，因為成間主色用左綠色為主調😍好似翡翠一樣🤩老公鍾意食中菜就入左去勒，餐具全部都係綠色，好靚我地點左個二人套餐🤗包括一款點心，靚湯，一款小食&一款粉麵杏汁燉白肺湯😋侍應推介，因為係佢地食店不容錯過的佳餚👍🏻奶白色超熱燉湯，好香杏汁味，仲係食到好蓉既杏汁，豬肺又夠滑，真材實料，飲完成身暖晒，椒鹽九肚魚😋呢個一定要襯熱食，因為非常香口，而且炸得外脆內軟口感亦鬆化沙爹牛肉炒河😋平時食乾炒牛河就食得多，呢個以沙爹醬炒😋令到成碟炒河好香濃，而且牛肉嫩滑多汁，河粉又夠彈牙，非常可口點心就揀左鮮蝦燒賣皇😋叫得燒賣皇真係無錯，真係大大粒，好夠份量，而且用料好足，有成隻蝦架，即叫即蒸，熱辣辣好食桂花糕😋桂花香味都幾突出，唔會太甜，岩晒我口味