滿樂中菜 (Closed)

假期鬆一鬆，同屋企人去戲曲中心行吓，見有中菜館順便食lunch~落單之後等咗幾個字之後一次過黎咗好多份點心😆1. 竹笙豆苗餃: 調味啱啱好，夠味得黎唔會蓋過蝦嘅鮮味，入面亦好足料2. 滿樂蝦餃皇: 飲茶必叫蝦餃，呢度嘅蝦餃都算中上，蝦肉夠彈牙，皮雖然厚薄適中，但略嫌唔夠煙韌3. 香煎臘味蘿蔔糕: 個人認為少伏，外型工整，但實則粉偏多，整體感覺較淡，可能算係口味比較健康嘅蘿蔔糕(?)4. 水牛芝士蝦春捲: 春捲夠熱辣辣同香口，入面亦有好多蝦，但真係唔太食到水牛芝士...5. 香煎韭菜粿: 餡入面主要有韭菜、肉粒同蝦，啖啖咬落都充斥韭菜香味，配埋蝦同肉粒口感更加豐富同更鮮味，皮薄餡靚6. 荷香瑤柱珍珠雞: 糯米煮得恰到好處，好黏糯，調味亦好好，但瑤柱絲、冬菇粒、肉粒等材料都偏細粒同少7. 蟹籽北菇鮮蝦燒賣皇: 冇錯又係蝦！🤣 同樣地都係好多蝦亦夠彈牙，但個人認為菇味唔夠出中途經過姐姐嘅熱情推介後，加點咗燒味8. 玫瑰豉油雞(半隻): 呢隻雞真係冇得輸，鹹甜適中、口感嫩滑，我平時食雞有時都怕肥唔會連皮食，但今次呢隻真係又瘦皮又薄，但口感完全唔會嚡，令人忍唔住一嚿接一嚿整體感覺味道好、服務好、