Video
Read full review
2023-07-07
79 views
平價高質西餐｜📍薯仔屋電影餐廳有日喺柴灣諗住睇下最近有乜電影，居然俾我發現戲院入面有間餐廳，所以就入嚟試下🥹呢間餐廳原來仲有提供包場舉辦兒童派對服務，唔止有食物提供仲有得喺餐廳入面睇戲+喺戲院包場睇戲🥳平日亦都有提供兒童餐，啱哂一家人嚟食👍🏻🌟今日嚟食嘅時候仲發現佢做緊7週年活動，同一張單內點選四份午餐/常餐/晚餐，即可獲送一份「韓式芝士炸雞」優惠送完即止🌟可惜今日淨係同咗男朋友嚟食，嗌唔到4份♡沙律+蒜蓉包♡｜💰跟餐配送沙律菜幾新鮮配埋個汁食落酸酸哋幾開胃，蒜蓉包嘅蒜香味足，食落相當脆口♡鐵板黑椒汁肉眼扒配薯菜♡｜💰$102肉眼扒勁大塊💓淋埋汁聽住啲「滋滋」聲好鬼過癮😆肉眼扒牛香味好重，食落都幾嫩身唔會韌🫶🏻薯條未食已經聞到好香，而且擺耐咗都可以保留到脆身口感，勁正！😆除咗薯條之外仲配咗紅蘿蔔、西蘭花、洋蔥、豆角🫶🏻菜類款式都幾多，紅蘿蔔係已經加熱煮過，唔會好似坊間嘅🥕咁生🫶🏻加分！♡香煎紅𩶘魚柳刁草汁配雞扒薯蓉♡｜💰$108估唔到呢個比牛扒更有份量🥰雞排外皮焦脆肉質嫩滑，無冰鮮味得嚟仲要大大塊😍好少食到脆皮雞排，食得好滿足☺️紅𩶘魚柳方面原先以為係細細條，點知實物都係一大塊😝食落無腥
有日喺柴灣諗住睇下最近有乜電影，居然俾我發現戲院入面有間餐廳，所以就入嚟試下🥹呢間餐廳原來仲有提供包場舉辦兒童派對服務，唔止有食物提供仲有得喺餐廳入面睇戲+喺戲院包場睇戲🥳平日亦都有提供兒童餐，啱哂一家人嚟食👍🏻
🌟今日嚟食嘅時候仲發現佢做緊7週年活動，同一張單內點選四份午餐/常餐/晚餐，即可獲送一份「韓式芝士炸雞」優惠送完即止🌟可惜今日淨係同咗男朋友嚟食，嗌唔到4份
♡沙律+蒜蓉包♡｜💰跟餐配送
沙律菜幾新鮮配埋個汁食落酸酸哋幾開胃，蒜蓉包嘅蒜香味足，食落相當脆口
♡鐵板黑椒汁肉眼扒配薯菜♡｜💰$102
肉眼扒勁大塊💓淋埋汁聽住啲「滋滋」聲好鬼過癮😆肉眼扒牛香味好重，食落都幾嫩身唔會韌🫶🏻薯條未食已經聞到好香，而且擺耐咗都可以保留到脆身口感，勁正！😆除咗薯條之外仲配咗紅蘿蔔、西蘭花、洋蔥、豆角🫶🏻菜類款式都幾多，紅蘿蔔係已經加熱煮過，唔會好似坊間嘅🥕咁生🫶🏻加分！
♡香煎紅𩶘魚柳刁草汁配雞扒薯蓉♡｜💰$108
估唔到呢個比牛扒更有份量🥰雞排外皮焦脆肉質嫩滑，無冰鮮味得嚟仲要大大塊😍好少食到脆皮雞排，食得好滿足☺️紅𩶘魚柳方面原先以為係細細條，點知實物都係一大塊😝食落無腥味無骨🥰啱哂我呢啲又驚腥又唔鐘意食有骨魚嘅人🧏🏻♀️薯蓉球方面足足俾咗2粒💓口感好綿滑食落都好香薯味💓連我呢啲平時少食薯蓉嘅人都清哂😎同埋估唔到除咗薯蓉仲有沙律菜、翠玉瓜、西蘭花、豆角、紅蘿蔔😍啱哂我呢啲平時少食菜嘅外食一族🥰
♡芒果雜♡｜💰跟餐半價$17
呢杯飲品賣相好靚，本身唔想飲雜果賓治驚飲唔出係咩嘅生果味溝埋😂所以就揀咗呢一杯芒果雜😋雖然係芒果味飲品不過有檸檬作為裝飾，仲有雜果喺表面，賣相幾靚☺️芒果味都好明顯🥭整體唔錯
♡水蜜威尼斯♡｜💰跟餐半價$18
呢杯係薯仔屋意大利梳打雪糕特飲🫶🏻水蜜桃味飲落好清甜，而且唔會因為冰融左就淡味甜度適中🫶🏻表面有雪糕新地💓即使雪糕溶咗同水蜜桃味都好夾🍑一杯飲品滿足哂飲嘢同食甜品2個願望💓
🧏🏻♀️總結：由於呢一間餐廳就喺戲院入面，所以如果嚟睇戲，唔知食乜都可以嚟食嘢🧏🏻♀️成件事相當方便，食物水準都相當唔錯仲要好抵食🫶🏻同埋餐廳窗外有幾隻鸚鵡，如果係鍾意鸚鵡嘅朋友仔都可以嚟食吓順便嚟睇鸚鵡🤣
Post
