Video
Read full review
2018-12-03
442 views
2018年11月30日。晴。九龍灣。戲院入面嘅餐廳，質素有時都唔可以低估～九龍灣淘大嘅戲院啱啱裝修好無耐變咗UA，好坐好多！戲院門口都多咗間十字冰室最啱入場之前食飽飽座位都唔少～仲有好養眼嘅霓虹燈做招牌～食物選擇好多，又多元化！有小食，又有主食，仲有好多特色飲品！好吸引啊！餐牌上面框住嘅食物都係可以帶入戲院㗎！趕住入場都唔驚要餓住睇戲，除咗熱狗、爆谷，大家又多個選擇啦～座位安排都幾得意，有啲位個樣似自修室咁，又真係見到有人喺度溫書喎！極度肚餓嘅我哋嗌咗好多嘢懷舊薯條配松露蛋黃醬，$38係用茶樓啲蒸籠裝住㗎！造型好得意～一籠有好多條，食極都仲有！松露醬聞落已經好香～又夠creamy，沾薯條食味道更加一流！瑞士雞全翼，$38瑞士汁甜甜鹹鹹咁，煮得入味，雞翼仲好多汁，肉質嫩滑，正！十字燉奶，$28餐牌上寫住係鎮店之寶，點可以唔試啊？奶味香濃～～果然係十字牌鮮奶出品，滑溜溜，𠽌一聲𠽌入口，軟綿綿，入口即融～～一人又嗌咗一個主食～All Day Breakfast，$68想食嘅嘢齊晒！要大讚個雞扒同炒蛋！雞扒外皮非常脆，用刀切會嗦嗦聲嗰種，但係雞肉竟然仲係好滑好多汁，意想不到咁好味！炒蛋應該加咗
戲院入面嘅餐廳，質素有時都唔可以低估～
九龍灣淘大嘅戲院啱啱裝修好無耐
變咗UA，好坐好多！戲院門口都多咗間十字冰室
最啱入場之前食飽飽
座位都唔少～仲有好養眼嘅霓虹燈做招牌～
食物選擇好多，又多元化！有小食，又有主食，仲有好多特色飲品！好吸引啊！
餐牌上面框住嘅食物都係可以帶入戲院㗎！趕住入場都唔驚要餓住睇戲，除咗熱狗、爆谷，大家又多個選擇啦～
座位安排都幾得意，有啲位個樣似自修室咁，又真係見到有人喺度溫書喎！
極度肚餓嘅我哋嗌咗好多嘢
懷舊薯條配松露蛋黃醬，$38
係用茶樓啲蒸籠裝住㗎！造型好得意～
一籠有好多條，食極都仲有！
松露醬聞落已經好香～又夠creamy，沾薯條食味道更加一流！
瑞士雞全翼，$38
瑞士汁甜甜鹹鹹咁，煮得入味，雞翼仲好多汁，肉質嫩滑，正！
十字燉奶，$28
餐牌上寫住係鎮店之寶，點可以唔試啊？
奶味香濃～～果然係十字牌鮮奶出品，滑溜溜，𠽌一聲𠽌入口，軟綿綿，入口即融～～
一人又嗌咗一個主食～All Day Breakfast，$68
想食嘅嘢齊晒！要大讚個雞扒同炒蛋！
雞扒外皮非常脆，用刀切會嗦嗦聲嗰種，但係雞肉竟然仲係好滑好多汁，意想不到咁好味！
炒蛋應該加咗十字牌鮮奶，因為滑到一個點，好好味啊～～
另一個主食係芝士焗黑松露醬雜菌意粉，$68
黑松露味勁香，鋪面嘅芝士煙韌香口～
多種菇類，好啱愛菇之人～
意粉嘅質地亦唔錯～唔會好腍～
兩杯飲品亦好出色用紙飲筒，環保啲！
紅豆冰，$28
用料豐富，大量紅豆
甜味適中，飲完唔會惹痰
美祿山，$28
係未飲過嘅飲品～
中間果然有座美祿山，秘訣係要撈勻再飲～
咁就可以將十字奶同美祿完美結合，回味無窮～～
Post
