Taylor Shellfish Farms (新村街)

Open Now

Now Closed

本身聽講呢度啲蠔幾好食，所以就諗住一試。但係嚟到之後有個戴眼鏡嘅女職員，黑口黑面。間餐廳係半開放式，本來係坐喺靠門口位置，但係因為隔離有人食煙，所以就諗住轉入去室內啲嘅位置坐。個女職員知道我哋要調位，表現得十分不耐煩，仲完全冇諗住要幫手拎埋水杯嗰啲過去新嗰張枱，仲串我哋話呢啲天氣唔需要開冷氣。如果單純以蠔嚟講都可以，幾新鮮同埋大隻，味道都幾好，食完冇肚痛。但係呢間餐廳有呢個女職員真係幾趕客，希望大家嚟試嘅時候唔需要遇到佢，影響食飯心情。其實以人均$500嚟講，都有其他更好嘅選擇，起碼唔使食到一肚氣。