Video
Read full review
2016-03-13
533 views
最近都好興呢個食蒸海鮮，所以都同朋友試吓！最後去咗間特別D嘅，有蒸氣石鍋粥底嘅！多款生猛海產可以揀！一見到張枱就奇怪，點解放頂草帽係枱面！原來頂草帽係蒸氣石鍋個蓋！鍋蓋很重、很保溫，不過可以避免出現倒汗水！呢度嘅座位都好舒適、枱與枱之間都有一段距離，好寛闊！有圓枱也有卡位，如果人多仲可以有間房！食材嘅選擇有好多！清蒸海鮮、肉類、蔬菜、蒸飯、粥底......枱上面雖然放了很多調味料，但都冇機會用！因為食材已經夠新鮮及味道，本身已經係最好嘅調味料！唔知D海鮮及肉類要蒸幾耐唔緊要，個控制版寫得好清楚每樣要蒸嘅時間！但其實都唔需要操心，因為呢度係有專人服待嘅，只要你叫一叫D侍應，佢哋就會過來幫你蒸，蒸完又會自動走過來幫你夾起分好放係你面前！第一樣到嘅係我哋粥底嘅材料，南瓜同排骨！攞開頂草帽見到個石鍋真面目！係未開始食蒸海鮮之前，先準備蒸氣粥底！先放米！再放南瓜同排骨！未煮都覺得興奮，鍋底的米和排骨一定吸盡海鮮及肉汁嘅精華，而且煮上一段時間，一定好綿密！好期待！第一樣上塲嘅係......游水花竹蝦隻，大過我隻义！其實咁大隻嘅游水花竹蝦香港好少機會買到，就算買到每隻都要2、3百蚊！而已真係好新鮮生
最近都好興呢個食蒸海鮮，所以都同朋友試吓！最後去咗間特別D嘅，有蒸氣石鍋粥底嘅！
多款生猛海產可以揀！
一見到張枱就奇怪，點解放頂草帽係枱面！原來頂草帽係蒸氣石鍋個蓋！鍋蓋很重、很保溫，不過可以避免出現倒汗水！
呢度嘅座位都好舒適、枱與枱之間都有一段距離，好寛闊！有圓枱也有卡位，如果人多仲可以有間房！
食材嘅選擇有好多！清蒸海鮮、肉類、蔬菜、蒸飯、粥底......
枱上面雖然放了很多調味料，但都冇機會用！因為食材已經夠新鮮及味道，本身已經係最好嘅調味料！
唔知D海鮮及肉類要蒸幾耐唔緊要，個控制版寫得好清楚每樣要蒸嘅時間！但其實都唔需要操心，因為呢度係有專人服待嘅，只要你叫一叫D侍應，佢哋就會過來幫你蒸，蒸完又會自動走過來幫你夾起分好放係你面前！
第一樣到嘅係我哋粥底嘅材料，南瓜同排骨！
攞開頂草帽見到個石鍋真面目！
係未開始食蒸海鮮之前，先準備蒸氣粥底！先放米！
再放南瓜同排骨！
未煮都覺得興奮，鍋底的米和排骨一定吸盡海鮮及肉汁嘅精華，而且煮上一段時間，一定好綿密！好期待！
第一樣上塲嘅係......游水花竹蝦隻，大過我隻义！其實咁大隻嘅游水花竹蝦香港好少機會買到，就算買到每隻都要2、3百蚊！
而已真係好新鮮生猛，放落去蒸嘅時候仲郁咗一吓！我即刻叫侍應戴返好頂草帽，唔好俾我見到！
呢隻花竹蝦至少都有6、7兩！蝦味濃郁、肉質結實帶爽，鮮香清甜！
蝦頭嘅部位都好多膏，鮮甜而味甘！
再嚟日本北寄貝！
記得千萬不要把貝殼中的水倒走，這是海鮮味道最天然嘅調味劑！應該連同海鮮一齊吃掉！
北寄貝肉厚，味道濃郁、爽脆鮮甜，海鮮嘅香味一邊食一邊散發出來！
清蒸象拔蚌仔，未蒸之前好細心已經切好絲，仲放咗D薑蔥！仲有粉絲！
我好少係外面食呢種象拔蚌仔，味道微甜、腍中帶爽！最後當然唔可以忽略墊底嘅粉絲啦，粉絲吸哂拔蚌仔嘅精華，鮮甜無比！
食完海鮮，我哋有再食肉類，反而叫咗個梅菜蒸菜心！蒸之前侍應仲好細心咁問我哋需唔需要蒸腍D，定有冇咁腍！我哋決定要腍D！
呢度嘅微甜帶鹹香，脆嫩爽口，再配上鮮嫩嘅菜心，真係食唔停口！
侍應見我哋D菜食得七七八八，主動幫我哋加魚湯開始煲個粥！
粥底本身係鍋底已蒸煮了一段時間，已經煮開咗，所以加咗魚湯之後好快就可以食得喇！
侍應見到個粥已經煮好，又好快手咁幫我哋分好！
因為係用魚湯煮嘅關係，吸盡海鮮及肉汁嘅精華，本身已經夠鮮味！再加上南瓜嘅甜味，同肉類嘅鮮甜！這鍋粥係由海鮮、肉類、蔬菜三樣嘅味道結合而成，真係鮮甜無比，最天然嘅味道，就算食到好飽都好想追食！而且煮咗一段時間，好綿密！
我哋亦叫咗一支白酒用嚟配海鮮，我支酒味道比較清淡，用來配海鮮好合適！一般來說Sauvignon Blanc我覺得會太酸，但這一支甜、酸與果味都很平衡！
Post
