The Bayside

Open Now

Now Closed

今晚老公帶咗我去一間有戶外座位，仲可以睇海景的餐廳。餐廳有嚐味餐單，亦可散叫，因為太多款式，所以選擇咗散叫。🌷龍蝦堡麵包軟熟，外面脆口，龍蝦肉鮮甜，仲帶少少辣味。🌷蟹肉餅咬開啖啖都係蟹肉，面和底層都香脆。🌷濃厚波士頓龍蝦湯麵包上面鋪滿龍蝦肉，麵包口感較為硬身。龍蝦湯星橙紅色，質地濃厚，湯的味道鹹得來帶有鮮味。🌷脆皮乳豬配馬鈴薯乳豬皮薄而香脆，帶層易融的肥膏，真係唔想咬走肥膏。肉軟滑有肉汁，唔覺油膩，配芥辣醬係最夾。🌷西班牙式海鮮湯燉飯燉飯有濃郁的芝士香，飯粒粒分明，蝦肉彈牙，蜆肉鮮甜。🌷朱古力心太軟配雲呢拿雪糕切開朱古力心太軟，隨即流出朱古力。朱古力暖暖地，糕餅口感軟硬適中。🌷無蛋開心果忌廉蛋糕蛋糕的質感鬆軟，開心果粒很脆口，味道又香，開心果醬濃郁，令人食唔停口。🌷美式咖啡咖啡很濃，味道很香。