Video
Read full review
2024-06-02
91 views
如標題，所有野都差，嬲到要第一次寫食評見裝修唔錯，諗住試下新餐廳門口無人安排，又無機禁飛，等咗一陣先有人理我哋，入到去就係抌低咗個QR code就走咗自己用手機點完餐，先發現原來收每人$10茶位，搵侍應確認左，收得人茶錢，至少比兩隻杯呀，枱面有一壺係上一手用完嘅茶壺，表面勁多油！第一次攞過嚟嘅杯，杯底部疑似有茶漬，叫第二個侍應換過第二隻杯，杯底部又有塊疑似菜葉，用紙巾抹抹成張紙巾啡色！好恐怖！心有不甘，你收我10蚊一個茶位我冇理由唔飲茶啫，就問佢會唔會有普通透明嘅水杯，佢話冇水杯喎！好嘢，一間餐廳連一隻水杯都冇！之後就攞咗兩隻熱飲杯俾我，但其中一隻都仲係污糟！放棄，兩個人用同一個茶杯算！食物未到，第一印象已經好差叫了兩個船麵，一個豬肉一個牛肉，豬肉係肥到5分4都係肥膏，佢俾人揀走配料，我走豬肝結果仍然有豬肝！我叫小辣，但一啲辣都食唔到！香茅青木瓜沙律，係成舊生嘅椰菜擺喺碟度，你自己搣開嚟食！未食過啲咁dry嘅青木瓜沙律，極少木瓜絲，又冇汁無剩！重點：啲侍應係全部靚仔靚妹，個個唔想做咁款，叫佢哋做任何嘢都係黑口黑面！毫無反應，但自己圍內傾偈就好開心叫埋單，等咗勁耐先嚟！埋單過程一粒聲都冇
見裝修唔錯，諗住試下新餐廳
門口無人安排，又無機禁飛，等咗一陣先有人理我哋，入到去就係抌低咗個QR code就走咗
自己用手機點完餐，先發現原來收每人$10茶位，搵侍應確認左，收得人茶錢，至少比兩隻杯呀，枱面有一壺係上一手用完嘅茶壺，表面勁多油！
第一次攞過嚟嘅杯，杯底部疑似有茶漬，叫第二個侍應換過第二隻杯，杯底部又有塊疑似菜葉，用紙巾抹抹成張紙巾啡色！好恐怖！心有不甘，你收我10蚊一個茶位我冇理由唔飲茶啫，就問佢會唔會有普通透明嘅水杯，佢話冇水杯喎！好嘢，一間餐廳連一隻水杯都冇！之後就攞咗兩隻熱飲杯俾我，但其中一隻都仲係污糟！放棄，兩個人用同一個茶杯算！
食物未到，第一印象已經好差
叫了兩個船麵，一個豬肉一個牛肉，豬肉係肥到5分4都係肥膏，佢俾人揀走配料，我走豬肝結果仍然有豬肝！我叫小辣，但一啲辣都食唔到！
香茅青木瓜沙律，係成舊生嘅椰菜擺喺碟度，你自己搣開嚟食！未食過啲咁dry嘅青木瓜沙律，極少木瓜絲，又冇汁無剩！
重點：啲侍應係全部靚仔靚妹，個個唔想做咁款，叫佢哋做任何嘢都係黑口黑面！毫無反應，但自己圍內傾偈就好開心
叫埋單，等咗勁耐先嚟！埋單過程一粒聲都冇出過，冇講多謝都算，亦唔會問請問邊位埋單，好似掉張單喺枱面咁，但枱面啲碗碗碟碟食完係完全冇人收枱面勁多嘢！有兩個船面兜兩杯飲品兩個茶杯仲有一壺茶，但枱面勁細
我比張單老公對，唔小心倒瀉杯飲剩嘅龍眼冰，埋單位侍應亦不情不願咁攞紙巾俾我，全程亦都係一粒聲都冇出過，將疊紙巾掉喺枱面
對於呢間新開嘅餐廳，我嘅評價係差到不得了！老闆可唔可以睇吓自己餐廳啲員工嘅惡劣工作態度，否則食客只會食完一次冇回頭，等執笠啦，一粒星都比多你，質素極差，但價錢又唔係平
Post