芯 (Closed)

原本想食另一間，但太多人，由於太肚餓唔想等，見呢間唔使等就入左去。結果都伏伏地，但又未至於差。叫左蒲燒鯖魚拌藜麥沙律便當同鐵板牛舌丼+溫泉蛋。一開始侍應落錯單，後尾黎啱左。條鯖魚算燒得幾好，藜麥沙律加左蕃薯，算幾好。但個鐵板牛舌丼，真係好一般，份量少，飯又太爛。最後叫左個綠茶千層蛋糕，真係唔好食，太硬，啲綠茶味好假，顏色又膠，都唔知擺左幾多日。同個menu差好遠總之所有野都麻麻地。