大快活 (Closed)

今日返晏，可以食個tea先返工，來到大快活見到有呢個新出嘅水餃擔擔麵，就即管試下啦。食物好快就有得拎，但一望落去已經心知不妙，點解個擔擔麵會好似普通上海麵咁嘅？但既然叫咗，都要頂硬上食架啦。先飲啖湯，暖的...味道同普通上湯有咩分別？一啲擔擔味都無，連最普通嘅肉碎都無一粒。上海麵算不過不失，至少唔會硬到一餅嘢咁。試埋個水餃，一咬落去完全唔熱，水餃皮好厚同硬，完全唔好味。配菜有凍嘅菜同一塊脆肉瓜，至於圖片上嘅紅蘿蔔就欠奉。我明白圖片只供參考，但都唔係咁甩皮甩骨嘛...雞翼算正常，至少燒得夠香脆。食完嘢想飲返啖嘢，心諗低糖綠茶唔會出事喇呱，點知一飲，牙都凍僵埋，駛唔駛落咁多冰呀...我明白多啲冰可以俾少d綠茶，但未免太多了吧，凍到要倒咁啲冰出黎先飲到，倒完都無幾多綠茶剩了。